1 Ko 14:16 - Nouvo Testaman Kreol Morisien Harmonisation NTPS KM

¹⁶ Si to pe loue Bondie avek to lespri, kouma enn sinp oditer dan lasistans pou kapav dir “Amen” pou sa remersiman-la, si li pa kone ki to pe dir?

Nouvo Testaman dan Kreol Morisien

¹⁶ Si to pe loue Bondie avek to lespri, kouma enn sinp oditer dan lasistans pou kapav dir “Amen” pou sa remersiman la, si li pa kone ki to pe dir?

1 Ko 14:16 Referans Kwoze

Revelasion 5:14

Sa kat kreatir vivan la ti dir, “Amen!” Lerla bann ansien tom azenou pou adore.

Psom 106:48

Nou loue LESEGNER, Bondie Izrael; Nou loue li aster ek touletan! Nou tou, anou dir “Amen!” Alelouya, nou loue LESEGNER!

1 Ko 11:24

e apre ki li ti finn rann gras, li ti kas dipin-la, e li ti dir, “Samem mo lekor, ki pou zot. Manz sa pou ki zot rapel mwa.”

Revelasion 7:12

Zot dir, “Amen! Louanz, laglwar, lasazes, rekonesans, loner, pwisans ek lafors pou Bondie pou touzour ek touzour, Amen”

Revelasion 22:20

Dimounn ki garanti ki tousala vre, dir, “Wi, mo pe vini biento!” Amen. Vini, Segner Zezi!

1 Ko 16:24

Mo avoy zot mo lamour dan lakominion avek Zezi Kris. Amen.

1 Ko 14:14

Si mo priye an lang, mo lespri pe priye, me mo lintelizans li pa aktif.

1 Ko 14:2

Seki koz an lang pa koz ar dimounn me ar Bondie, parski personn pa konpran li. Li pe servi pwisans Lespri pou koz bann mister.

Zistwar Bann Zapot 4:13

Kan zot trouv kouraz ki Pier ek Zan ena, zot etone parski zot kone ki sa de-la ti bann dimounn sinp e san ledikasion. Zot rekonet ki bann-la ti mars ar Zezi.

Zn 21:25

Zezi finn fer boukou kiksoz ankor. Si ti ena pou ekrir tousala, mo panse ki lemond antie pa pou ase gran pou gard tou sa bann liv-la.

Zn 7:15

Bann Zwif ti inpresione. Zot ti pe dir, “Kouma li ena sa kantite konesans-la, pourtan zame li finn al lekol?”

Mk 16:20

So bann disip sorti e zot al proklam Bonn Nouvel partou kote; Lesegner ti pe travay avek zot e bann mirak ki ti pe arive ti pe montre ki zot predikasion ti vre.

Mt 28:20

Montre zot met an pratik tou seki mo finn komann zot. Pa bliye, mo avek zot toulezour ziska lafin dimond.”

Mt 6:13

Pa les nou tom dan tantasion Me tir nou dan lemal.’

Psom 89:52

Anou loue LESEGNER pou touletan! Amen! Amen!

Psom 72:19

Anou sant so laglwar eternelman! Ki so laglwar ranpli liniver. Amen! Amen!

Psom 41:13

Laglwar pou Twa SEGNER, Bondie Izrael, aster, pli divan ek touletan. Amen! Amen!

Mt 15:36

Li pran sa set dipin-la ek bann pwason-la, ler li fini remersi Bondie, li kas zot, li donn so bann disip e bann-la partaz avek lafoul.

2 Ko 1:20

Li reprezant “Wi” ki konfirm tou bann promes Bondie. Pou sa rezon-la, atraver li nou dir nou “Amen” pou glorifie Bondie.