1 Ko 14:13 - Nouvo Testaman Kreol Morisien Harmonisation NTPS KM

¹³ Akoz sa, seki koz an lang bizin priye pou ena don interpretasion.

Nouvo Testaman dan Kreol Morisien

¹³ Akoz sa, seki koz anlang bizin priye pou ena don interpretasion.

1 Ko 14:13 Referans Kwoze

1 Ko 12:30

Eski tou ena don gerizon? Eski tou parl an lang? Eski tou donn enn interpretasion sa bann langaz-la?

Mk 11:24

Akoz samem mo dir zot, tou seki zot dimande dan lapriyer, krwar ki zot finn fini gagn li, e zot pou gagn li.

1 Ko 12:10

Mem Lespri donn pouvwar fer mirak, li donn enn lot don profesi, enn lot li donn kapasite disteng ant fos lespri ek vre Lespri, e ankor pou enn lot Lespri Bondie donn kapasite koz diferan langaz ki ena bann son etranz, ek enn lot li gagn pouvwar pou interpret sa bann langaz-la.

Zistwar Bann Zapot 8:15

Toule-de desann e priye pou bann-la resevwar Lespri Sin.

Zistwar Bann Zapot 1:14

Zot tou ti plonze dan lapriyer ansam avek de-trwa fam. Parmi ti ena Marie, mama Zezi ek so bann frer.

1 Ko 14:12

Parey pou zot. Parski zot ena enn gran dezir pou ena don ki Lespri done, ena plis dezir pou edifie Legliz par abondans don ki zot pe rode.

1 Ko 14:14

Si mo priye an lang, mo lespri pe priye, me mo lintelizans li pa aktif.

1 Ko 14:26

Alor la, ki nou kapav dir, bann frer ek bann ser? Kan zot zwenn ansam, ena dimounn ki pou ena enn kantik, enn lot ki pou ena enn parol pou ansegne, enn lot enn revelasion, enn lot enn mesaz an lang ek enn interpretasion sa langaz-la. Tousala bizin fer pou fortifie Legliz.