1 Ko 14:12 - Nouvo Testaman Kreol Morisien Harmonisation NTPS KM

¹² Parey pou zot. Parski zot ena enn gran dezir pou ena don ki Lespri done, ena plis dezir pou edifie Legliz par abondans don ki zot pe rode.

Nouvo Testaman dan Kreol Morisien

¹² Parey pou zot. Parski zot ena enn gran dezir pou ena don ki Lespri done, ena plis dezir pou edifie legliz par abondans don ki zot pe rode.

1 Ko 14:12 Referans Kwoze

1 Ko 14:26

Alor la, ki nou kapav dir, bann frer ek bann ser? Kan zot zwenn ansam, ena dimounn ki pou ena enn kantik, enn lot ki pou ena enn parol pou ansegne, enn lot enn revelasion, enn lot enn mesaz an lang ek enn interpretasion sa langaz-la. Tousala bizin fer pou fortifie Legliz.

1 Ko 14:1

Zot bizin swiv sime lamour e zot bizin dezir gagn don spiritiel, sirtou don profesi pou transmet mesaz Bondie.

1 Ko 12:31

Alor, fixe zot leker lor seki pli inportan. Mo pou montre zot, aster-la, ki sime ki pli bon lor tou.

1 Ko 12:7

Sakenn fer lexperyans Lespri Sin dan enn fason pou ki sa fer dibien tou lezot.

Let pou Tit 2:14

Li finn donn so lavi pou nou afin ki li tir nou dan pese ek fer nou vinn so sel pep ki destine pou fer lebien.

Let pou Romin 14:19

Anou rod seki amenn lape e permet nou progres ansam dan lafwa.

1 Ko 14:5

Mo ti pou kontan ki sakenn parmi zot ti kapav koz an lang, me mo prefer ki zot profetize. Seki profetize pli gran ki seki koz an lang, amwin ki li donn explikasion pou ki sa fortifie Legliz.

1 Ko 14:13

Akoz sa, seki koz an lang bizin priye pou ena don interpretasion.