1 Ko 13:6 - Nouvo Testaman Kreol Morisien Harmonisation NTPS KM

⁶ Lamour pa trouv plezir dan lemal me li gagn lazwa dan laverite.

Nouvo Testaman dan Kreol Morisien

⁶ Lamour pa trouv plezir dan lemal me li gagn lazwa dan laverite.

1 Ko 13:6 Referans Kwoze

Let pou Romin 12:9

Lamour bizin sinser. Deteste seki move, atas zot ar seki bon.

2 Zn 1:4

Sa finn fer mwa enn gran lazwa pou trouv inpe parmi to bann zanfan pe mars dan laverite parey kouma Bondie Papa inn komann nou.

Let pou Romin 1:32

Zot konn zizman Bondie: seki viv koumsa merit lamor. Pourtan zot pa selman kontigne fer sa bann zafer-la, zot osi ankouraz lezot pou pratik sa.

2 Tes 2:12

Alor, tou dimounn ki pa krwar dan laverite e pran plezir dan seki mal, li pou kondane.

Proverb 14:9

Bann vantar pena laont kan zot fer pese; me bann dimounn drwat rod pardon Bondie.

Let pou Filipien 3:18

Mo finn deza dir zot e avek larm dan mo lizie mo pe redir zot ankor ki ena boukou dimounn ki viv kouma lennmi lakrwa Kris.

Let pou Filipien 1:18

Pa fer nanye! Seki inportan, mem avek aryer panse ou dan laverite, ki zot anons Kris. Akoz samem mo dan lazwa. Mo pou kontigne rezwir ankor,

Let pou Filipien 1:4

sak lapriyer ki mo fer pou zot, li touzour avek lazwa ki mo priye,

Lk 22:5

Zot ti bien kontan e zot ti promet li enn som larzan.

Psom 119:136

Mo larm koule kouma robine kan mo trouv dimounn dezobeir to lalwa.

Psom 10:3

Move dimounn li fier so prop move dezir; dimounn gourman li modi LESEGNER e li pena respe pou li.

Mt 18:13

Si li retrouv li, mo sir li pou pli kontan pou sa sel mouton-la ki sa lezot katrovin-diznef ki pa finn perdi.