1 Ko 13:3 - Nouvo Testaman Kreol Morisien Harmonisation NTPS KM

³ Si mo donn bann pov tou seki mo posede e mo donn mo lekor pou brile, me mo pena lamour, li pa servi mwa nanye.

Nouvo Testaman dan Kreol Morisien

³ Si mo donn bann pov tou seki mo posede e mo donn mo lekor pou brile, me mo pena lamour, li pa servi mwa nanye.

1 Ko 13:3 Referans Kwoze

Zn 15:13

Pena pli gran lamour ki existe ler kikenn donn so lavi pou so bann kamarad.

Mt 23:5

Me zot kontan fer kiksoz pou lizie dimounn, zot bann filakter bien-bien gran e franz zot manto bien long.

Ga 5:26

Anou pa fer vantar, nou pa dispit avek kamarad, nou pa zalou kamarad.

Lk 18:28

Lerla Pier dir li, “Nou finn kit tou seki nou posede pou swiv twa.”

Eb 13:9

Pa les toutsort lansegnman etranze anbet zot. Li bon ki zot fortifie zot leker avek lagras Bondie, e non pa par bann regleman konsernan manze. Bann ki finn obzerv sa bann regleman-la pa finn tir okenn benefis ladan.

1 Tim 4:8

Li pa sitan itil ki to okip to lekor, me li pli bon ki to met to latet pou swiv Bondie parski li promet twa lavi zordi ek pou leternite.

Zn 12:43

Laverite, seki zot ti prefer plito laglwar lor later ki laglwar Bondie.

Lk 18:22

Letan Zezi tann sa, li dir li, “To mank enn kiksoz. Vann tou seki to ena, donn bann pov, e to pou ena enn trezor dan lesiel; apre sa vini, swiv mwa.”

Zistwar Bann Zapot 21:13

Me Pol reponn, “Kifer zot plore? Zot fer mo leker fermal. Mo finn pare pa zis pou al dan prizon, me osi pou mor dan Zerizalem pou Lesegner Zezi.”

Zn 13:37

Pier dir, “Segner, ki fer mo pa kapav swiv twa depi aster-la mem? Mo pare pou donn twa mo lavi.”

Zn 6:63

Lespri donn lavi me lekor pa vo gran soz; parol ki mo finn prononse, samem Lespri, samem lavi.

Lk 19:8

Zase leve e li dir ar Lesegner, “Ekout mwa, Segner. Mo pou donn lamwatie mo dibien bann pov; e si mo finn kokin dimounn, mo pou rann zot kat fwa plis.”

Let pou Filipien 2:3

Pa fer nanye par rivalite, me avek imilite, konsider lezot meyer ki zotmem.