1 Ko 11:22 - Nouvo Testaman Kreol Morisien Harmonisation NTPS KM

²² Eski zot pena lakaz pou manze ek bwar? Oubien zot mepriz lakaz Bondie e zot oule imilie bann ki pena nanye? Ki mo pou dir zot? Mo bizin felisit zot? Bliye sa, mo dir zot!

Nouvo Testaman dan Kreol Morisien

²² Eski zot pena lakaz pou manze ek bwar? Oubien zot mepriz lakaz Bondie e zot oule imilie bann ki pena nanye? Ki mo pou dir zot? Mo bizin felisit zot? Bliye sa, mo dir zot!

1 Ko 11:22 Referans Kwoze

Zistwar Bann Zapot 20:28

Vey lor zotmem e lor tou zot troupo kot Lespri Sin finn met zot gardien. Pran swin Legliz ki Bondie finn gagne pou limem par disan so prop Garson.

Proverb 17:5

Si to mepriz bann pov, pa bliye, to pe mepriz zot kreater osi; ena pinision pou seki pran plezir dan soufrans lezot.

1 Ko 10:32

Viv enn fason ki zot pa kree skandal ni pou bann Zwif ni pou bann Grek ni pou Legliz Bondie.

1 Tim 3:15

Si zame mo tarde, to kone aster-la ki fason to bizin konport twa dan lakaz Bondie, samem Legliz Bondie ki vivan, kouma enn kolonn ek enn sipor ki tini laverite.

1 Tim 3:5

Ki manier enn dimounn pou kapav pran sarz Legliz Bondie si li pa kapav diriz so prop fami?

1 Ko 11:17

Lor remark ki aster mo pou fer, mo pa kapav felisit zot parski kan zot fer zot renion zot fer plis ditor ki dibien.

1 Ko 11:2

Mo felisit zot parski zot ankor rapel mwa dan tou kiksoz, ek zot ankor swiv tradision Kretien ki mo finn kit ar zot.

1 Ko 15:9

Mo pli tipti parmi bann Zapot, e mo mem pa merit ki apel mwa Zapot, parski mo ti persekit Legliz Bondie.

1 Ko 11:34

Si kikenn gagn fin, preferab li manze so lakaz, koumsa kan zot vinn ansam pena kondanasion. Pou bann lezot zafer, mo ava okip sa kan mo vinn kot zot.