1 Ko 11:19 - Nouvo Testaman Kreol Morisien Harmonisation NTPS KM

¹⁹ San dout li bon ki ena divizion parmi zot, parski koumsa kapav kone kisann-la parmi zot ki vremem fidel.

Nouvo Testaman dan Kreol Morisien

¹⁹ San dout li bon ki ena divizion parmi zot, parski koumsa kapav kone kisannla parmi zot ki vremem fidel.

1 Ko 11:19 Referans Kwoze

1 Zn 2:19

Sa bann zans-la finn sorti kot nou me zot pa ti vremem ar nou, lakoz samem zot inn kit nou; parski si zot ti ar nou, zot ti pou res avek nou, me zot finn fer li kler ki personn parmi zot pa ar nou.

Let pou Tit 3:10

Pou seki konsern bann divizer, apre de warning, bizin koupe ar zot.

Zistwar Bann Zapot 20:30

Parmi zotmem ena ki pou leve, pou detourn laverite pou ki zot kapav ris bann disip pou swiv zot.

Lk 17:1

Zezi dir ar so bann disip, “Li normal ki ena obstak ki fer dimounn tonbe, me li bien malere pou sa dimounn ki fer lezot tonbe la!

Mt 18:7

Maler pou lemond akoz bann kiksoz ki fer dimounn tom dan pese. Sa bann kiksoz-la zot inevitab, me malere sa dimounn ki responsab tousala.

Ga 5:20

lidolatri, sorselri, mazik, laenn, dispit, zalouzi, koler, rivalite, lager,

Zistwar Bann Zapot 28:22

Me nou anvi tann twa, ki to panse. Nou kone ki partou dimounn pa dakor ar sa group ki to pe swiv la.”

Zistwar Bann Zapot 26:5

Zot konn mwa depi lontan ek zot kapav temwagne, si zot oule, ki mo finn viv kouma enn Farizien dapre parti pli sever nou larelizion.

Zistwar Bann Zapot 24:14

Me mo rekonet ki dapre Vre Sime (ki bann-la pe dir fos) mo pe ador Bondie nou bann anset. Mo krwar dan lalwa ek seki bann profet finn ekrir.

Zistwar Bann Zapot 24:5

Nou finn dekouver ki sa boug-la bien danzere. Li enn sef parti Nazareen, li provok dezord parmi bann Zwif dan lemond antie.

Zistwar Bann Zapot 15:5

Alor, de-trwa parmi bann Farizien ki finn konverti, diboute dir, “Li neseser ki bann payin fer sirkonsizion e nou exize ki zot obeir lalwa Moiz.”

Zistwar Bann Zapot 5:17

Lerla gran pret ek tou seki ti avek li, setadir bann manb parti Sadiseen, ti ranpli ar zalouzi.

Lk 2:35

Bann panse ki kasiet dan leker boukou dimounn pou sorti okler, e tomem, enn lepe pou transpers to lam.”

1 Ko 11:20

Kan zot zwenn ansam, li pa parski zot pou selebre repa Lesegner.

2 Ko 12:20

Mo per ki letan mo arive, mo pa trouv zot kouma mo swete trouv zot, e ki zot osi zot pa trouv mwa kouma zot ti anvi mo ete. Mo per ki mo trouv lager, zalouzi, lakoler, rivalite, insilt, komeraz, lorgey ek dezord.