1 Ko 1:27 - Nouvo Testaman Kreol Morisien Harmonisation NTPS KM

²⁷ Me pou fer bann saz onte, Bondie finn swazir kiksoz ki dapre lizie dimounn pena valer. Li finn swazir seki feb dan lemond pou fer bann pwisan onte.

Nouvo Testaman dan Kreol Morisien

²⁷ Me pou fer bann saz onte Bondie finn swazir kiksoz ki dapre lizie dimoun pena valer. Li finn swazir saki feb dan lemonn pou fer bann pwisan onte.

1 Ko 1:27 Referans Kwoze

Let Zak 2:5

Mo bann frer ek ser bieneme, ekout mwa: Bondie finn swazir bann ki pov dapre lemond pou ki zot vinn ris dan lafwa e posed rwayom ki finn promet bann ki kontan li.

Mt 11:25

Sa mem lepok-la Zezi dir “Mo remersie twa, Papa, Segner lesiel ek later, parski to pa finn montre sa bann kiksoz-la bann saz ek bann intelizan, me to finn revel zot ar bann pli tipti.

1 Ko 1:20

Kot dimounn saz ete? Kot dokter lalwa ete? Bann ki fer gran-gran diskour zordi, kot zot? Eski Bondie pa finn rann bet lasazes sa lemond-la?

Psom 8:2

Par labous bann zanfan ek ti-baba to finn batir to lafors kont to bann lennmi, pou ferm labous bann adverser e seki rod lit kont twa.

Lk 21:15

Parski mo pou donn zot bann parol e enn sazes ki okenn adverser pa pou kapav reponn ek kontredir.

2 Ko 4:7

Sa trezor spiritiel la nou pe sarye li dan nou, ki kouma bann po later. Koumsa li kler ki sa pwisans extraordiner la li sorti kot Bondie, pa nou ki ena sa.

Mt 21:16

Lerla zot dir Zezi, “To tande ki zot pe dir?” Zezi reponn, “Wi. Eski zot pa finn lir: ‘Mem bann zanfan ek bann ti-baba pou sant louanz ki finn prepare pou li.’ ”

2 Ko 10:10

Dimounn dir, “Let Pol bien dir ek sever; me kan li parmi nou li feb ek so koze bat dan vid.”

Mt 9:9

Letan Zezi kit li ale, li trouv enn boug ki ti apel Matie, li ti pe asiz dan biro tax. Zezi dir li, “Swiv mwa.” Matie leve swiv li.

Zistwar Bann Zapot 17:18

De-trwa filozof osi ti koz ar li. Ena filozof Epikiryen, e lezot bann Stoik. Ena dir, “Ki sa ninport-la pe zaze koumsa?” Lezot ki ti pe tann li anons Zezi ek larezireksion ti fer remark, “Koumadir li pe koz lor bann bondie nou pa kone.”

Zistwar Bann Zapot 7:54

Letan zot tann sa bann koze-la zot araze ek zot grins zot ledan kont Etienn.

Zistwar Bann Zapot 7:35

Ar Moiz mem ki bann Izraelit ti poz enn kestion, letan zot ti rezet li, zot ti dir, ‘Kisann-la finn fer twa sef ek ziz lor nou?’ Samem Moiz ki Bondie finn avoye kouma sef ek liberater so lepep avek led anz ki ti paret dan bwison ardan.

1 Ko 1:21

Bann imin avek tou zot sazes pa finn kapav rekonet Bondie, la kot li finn manifeste so sazes. Akoz sa ki Bondie finn desid pou sov seki krwar par so mesaz swadizan fou.

1 Ko 2:12

Nou pa finn resevwar lespri lemond, me Lespri ki sorti kot Bondie pou ki nou kapav rekonet bann don ki li donn nou dan so bonte.