1 Ko 1:23 - Nouvo Testaman Kreol Morisien Harmonisation NTPS KM

²³ me nou, nou proklam Lekris krisifie. Sa li enn mesaz ki kree skandal parmi bann Zwif, ek li enn foli pou bann Grek.

Nouvo Testaman dan Kreol Morisien

²³ me nou, nou proklam Lekris krisifie. Sa li enn mesaz ki kre skandal parmi bann Zwif, ek li enn foli pou bann Grek.

1 Ko 1:23 Referans Kwoze

1 Ko 2:14

Dimounn ki pena Lespri pa aksepte bann kiksoz ki Lespri Bondie done, parski li paret enn foli pou li. Li inposib konpran sa bann don-la parski bizin Lespri Bondie pou konpran sa.

1 Pi 2:8

Li finn osi dir: “Li enn ros ki fer dimounn kogne, e li enn ros ki fer dimounn tonbe.” Ena ki tonbe parski zot finn dezobeir laparol, e samem ki zot merite.

1 Ko 2:2

Parski letan mo ti kot zot, mo ti deside pou pa konn okenn lezot kiksoz apart Zezi Kris, sirtou Zezi Kris ki finn krisifie.

Ga 5:11

Me si mwa mo ankor pe pres sirkonsizion, alor kifer zot pe persekit mwa? Dan sa ka-la, Lekris lor lakrwa nepli enn skandal.

1 Ko 1:18

Parski mesaz lor lamor Lekris lor lakrwa li enn foli pou seki dan perdision, me pou nou ki Bondie pe sove, sa parol-la samem pwisans Bondie.

Lk 2:34

Simeon beni zot, e li dir Marie, mama Zezi, “Sa garson-la pou abes ouswa pou relev boukou dan Izrael, li enn sign Bondie, ki ena dimounn pou konteste.

Ga 6:14

Abe mwa, mo pou fer vantar akoz lakrwa nou Segner Zezi Kris; par sa lakrwa-la lemond finn fini krisifie pou mwa e mo finn fini krisifie pou lemond.

Mt 13:57

Zot refiz aksepte li. Me Zezi dir zot tou, “Enn profet, li onore partou, exsepte dan so prop pei e dan so fami.”

Mt 11:6

Bienere, sa dimounn ki pa tom dan pese akoz mwa.”

Ef 3:8

Parmi tou bann krwayan momem dernie parmi bann dernie. Malgre sa Bondie finn fer mwa enn gran faver: pou al anons bann non-Zwif larises infini ki Lekris ena,

Ga 3:1

Ayo, bann Galat, ala zot bet! Kisann-la finn zet enn sor lor zot? Pourtan, devan zot lizie, zot finn gagn enn prezantasion kler kouma Zezi Kris finn krisifie lor lakrwa.

2 Ko 4:5

Dan nou predikasion, nou pa anons noumem, me nou proklam Zezi Kris kouma Segner, ek noumem nou zot serviter akoz Zezi.

1 Ko 1:28

Bondie finn swazir seki pli piti, seki meprize, seki mem pa existe, pou fer seki existe vinn nanye ditou,

1 Ko 1:21

Bann imin avek tou zot sazes pa finn kapav rekonet Bondie, la kot li finn manifeste so sazes. Akoz sa ki Bondie finn desid pou sov seki krwar par so mesaz swadizan fou.

1 Ko 4:10

Nou enn bann fou akoz Lekris, me zot, zot bann saz dan linion avek Lekris; nou feb, me zot, zot for; nou gagn dezoner, alor ki zot, zot gagn loner.

Eb 12:2

Anou gard nou lizie fixe lor Zezi Kris, limem ki finn fer nou lafwa komanse e ki pou rann li parfe. Pou lazwa ki ti pe atann li, li finn soufer lor lakrwa san pran kont laont ki sa fer, e li finn asiz dan kote drwat tronn Bondie.