1 Ko 1:20 - Nouvo Testaman Kreol Morisien Harmonisation NTPS KM

²⁰ Kot dimounn saz ete? Kot dokter lalwa ete? Bann ki fer gran-gran diskour zordi, kot zot? Eski Bondie pa finn rann bet lasazes sa lemond-la?

Nouvo Testaman dan Kreol Morisien

²⁰ Kot dimoun saz ete? Kot dokter lalwa ete? Bann ki fer gran-gran diskour zordi, kot zot? Eski Bondie pa finn rann bet lasazes sa lemonn la?

1 Ko 1:20 Referans Kwoze

Let pou Romin 1:22

Zot pretann zot saz, me ofet zot finn vinn fou

1 Ko 3:19

Lasazes dapre sa lemond-la, li enn foli devan Bondie. Lekritir dir, “Bondie may bann saz dan zot prop riz.”

1 Ko 1:19

Parski finn ekrir, “Lasazes bann dimounn saz, mo pou detrir, konesans bann koneser, mo pou rezete.”

1 Ko 2:6

Mo bizin dir kanmem, ki nou servi lasazes pou koz ar dimounn ki finn bien grandi dan zot lafwa. Li pa enn sazes ki sorti dan lemond, ni sazes bann ki pe regne lor sa lemond-la, zot enn bann pwisans ki pe al tengn.

Mt 13:22

Seki finn seme dan pikan, li resanble sa dimounn ki tann laparol, me bann problem lavi toulezour, lamour dibien materyel touf tou e li pa raport okenn fri.

Zn 12:31

Aster-la mo pou ziz lemond e so gran sef pou deor.

Zistwar Bann Zapot 17:18

De-trwa filozof osi ti koz ar li. Ena filozof Epikiryen, e lezot bann Stoik. Ena dir, “Ki sa ninport-la pe zaze koumsa?” Lezot ki ti pe tann li anons Zezi ek larezireksion ti fer remark, “Koumadir li pe koz lor bann bondie nou pa kone.”

Let pou Romin 1:20

Depi kreasion lemond bann kalite invizib Bondie, so pwisans eternel e so divinite, bien vizib letan nou get travay Bondie. Bann imin pena okenn exkiz.

1 Ko 1:26

Frer ek ser, pa bliye kisann-la zot ti ete, zot ki finn gagn lapel Bondie. Dapre zizman zom, pena boukou saz parmi zot, ni boukou pwisan, pena parmi zot boukou ki sorti dan gran fami inportan.

1 Ko 1:27

Me pou fer bann saz onte, Bondie finn swazir kiksoz ki dapre lizie dimounn pena valer. Li finn swazir seki feb dan lemond pou fer bann pwisan onte.

1 Ko 1:28

Bondie finn swazir seki pli piti, seki meprize, seki mem pa existe, pou fer seki existe vinn nanye ditou,

1 Ko 2:8

Okenn pwisans lemond pa ti konpran sa. Si zot ti konpran, zot pa ti pou krisifie Lesegner laglwar.

1 Ko 3:18

Fode ki personn pa tom dan lerer. Si ena parmi zot krwar ki li saz dapre sistem lemond, ki li vinn enn fouka dabor pou lerla li vremem vinn enn saz.

1 Ko 6:2

Zot pa kone ki pep Bondie ki pou ziz lemond? Si zot ki pou ziz lemond, eski zot pa kapav ziz bann ti problem?

1 Ko 11:32

Me kan Lesegner ziz nou, li pe disiplinn nou pou ki nou pa kondane ansam ar lemond.

Let Zak 4:4

Bann infidel! Eski zot pa kone ki lamitie pou lemond vedir zot lennmi Bondie? Dimounn ki swazir kontan lemond li fer limem vinn lennmi Bondie.