1 Ko 1:18 - Nouvo Testaman Kreol Morisien Harmonisation NTPS KM

¹⁸ Parski mesaz lor lamor Lekris lor lakrwa li enn foli pou seki dan perdision, me pou nou ki Bondie pe sove, sa parol-la samem pwisans Bondie.

Nouvo Testaman dan Kreol Morisien

¹⁸ Parski mesaz lor lamor Lekris lor lakrwa li enn foli pou seki dan perdision, me pou nou ki Bondie pe sove, sa parol la samem pwisans Bondie.

1 Ko 1:18 Referans Kwoze

1 Ko 2:14

Dimounn ki pena Lespri pa aksepte bann kiksoz ki Lespri Bondie done, parski li paret enn foli pou li. Li inposib konpran sa bann don-la parski bizin Lespri Bondie pou konpran sa.

Let pou Romin 1:16

Mo ena konfians total dan Bonn Nouvel. Limem lafors ki Bondie servi pou sov tou seki krwar, bann Zwif dabor, me osi bann non-Zwif.

2 Tes 2:10

Li pou servi tou fason pou fer bann ki pe deperi perdi lespwar parski zot pe refiz aksepte lamour ki sov zot.

2 Ko 4:3

E mem si nou Bonn Nouvel vwale, li vwale pou bann ki dan perdision.

1 Ko 1:21

Bann imin avek tou zot sazes pa finn kapav rekonet Bondie, la kot li finn manifeste so sazes. Akoz sa ki Bondie finn desid pou sov seki krwar par so mesaz swadizan fou.

1 Ko 3:19

Lasazes dapre sa lemond-la, li enn foli devan Bondie. Lekritir dir, “Bondie may bann saz dan zot prop riz.”

1 Tes 1:5

parski kan nou finn amenn zot mesaz Bonn Nouvel, li pa zis par laparol, me li osi avek pwisans ek led Lespri Sin e avek enn gran konviksion. Zot kone kouma nou finn viv parmi zot pou zot prop dibien.

1 Ko 2:2

Parski letan mo ti kot zot, mo ti deside pou pa konn okenn lezot kiksoz apart Zezi Kris, sirtou Zezi Kris ki finn krisifie.

Zistwar Bann Zapot 13:41

‘Gete, zot ki ranpli ar mepri, ki aster zot ranpli ar etonnman e ki zot disparet! Seki mo pe fer zordi zour enn kiksoz ki zot pa pou krwar mem si kikenn rakont zot sa.’ ”

Eb 4:12

Avredir, Parol Bondie li vivan e li ena lefe. Li pli fite ki enn lepe koup de kote. Kan li perse, li al dan fon, mem ziska kot nou nam separe ar nou lespri; ziska nou zwentir ek lamwel. Li analiz seki ena dan panse ek leker imin.

2 Ko 10:4

Bann zarm ki nou servi dan nou konba, li pa sorti kot imin, me li bann zarm Bondie ki nou servi pou detrir bann fortres. Nou detrir bann argiman ki fos,

1 Ko 15:2

Par sa Bonn Nouvel-la ki zot sove, si zot res atase dan enn fason ferm ar parol ki mo finn anonse. Sinon, savedir zot finn krwar dan vid.

Zistwar Bann Zapot 17:32

Aster kan zot finn tann rezireksion bann mor, ena ti riye; me lezot ti dir, “Nou pou ekout twa enn lot fwa lor sa size-la.”

Zistwar Bann Zapot 17:18

De-trwa filozof osi ti koz ar li. Ena filozof Epikiryen, e lezot bann Stoik. Ena dir, “Ki sa ninport-la pe zaze koumsa?” Lezot ki ti pe tann li anons Zezi ek larezireksion ti fer remark, “Koumadir li pe koz lor bann bondie nou pa kone.”

Zistwar Bann Zapot 2:47

Zot ti loue Bondie e ti gagn lestim tou bann dimounn. Toulezour Lesegner ti pe sov dimounn ki li ti pe azout dan zot group.

1 Ko 4:10

Nou enn bann fou akoz Lekris, me zot, zot bann saz dan linion avek Lekris; nou feb, me zot, zot for; nou gagn dezoner, alor ki zot, zot gagn loner.

Eb 12:2

Anou gard nou lizie fixe lor Zezi Kris, limem ki finn fer nou lafwa komanse e ki pou rann li parfe. Pou lazwa ki ti pe atann li, li finn soufer lor lakrwa san pran kont laont ki sa fer, e li finn asiz dan kote drwat tronn Bondie.