Titus 1:15 - Sa Ugud Apudyus

¹⁵ Da tagu we pinapoḻḵas Apudyus atte nangaanana'tta basuḻda, losane banag ḵawagase mibelangda'ḵ ampoḻḵas piona ḵanan maḵwae ḵanonda baḵon nu usaronda dida. Yaḵon da tagu we adimpun Apudyus pinapoḻḵas ḵan adipun amati, losane banag mibelangda'ḵ ḵaissaw. Adidapun lamog imatunan lawweng ḵan ambaḻu ya sa somsomoḵda adipun lawweng nu ḵoonda lawweng.

Titus 1:15 Referans Kwoze

Romans 14:14

Gapu si nidog-aḵ ḵan Apu Jesus, aaddi ye ippun maḵan aḵ ḵaissaw si antotollong Apudyus. Yaḵon nu ibelang ni osan tagu'ḵ ḵaissaw, ḵaissaw ḵan siya.

Romans 14:20

Nabaḻbaḻu nu adi taḵu dadailon ḵewaaḻ Apudyus gapu'tte maḵan. Losane maḵan ampoḻḵas yaḵon lawweng nu siya maḵabasuḻan da sunud taḵu gapu'tte anganan taḵu.

1 Corinthians 10:23

Awad da ḵanandae angibaga, “Nawayaaḵe angwa'tta ngaimane pioḵ ḵoon.” Tuttuwae nawayaan taḵu yaḵon daḵampun aḵ ambanag da losane ḵoon taḵu'tte bumaḻuwan taḵu ya daḵampun os aḵ ampapigsa'tta pammatin da buḻun taḵu.

Matthew 15:18

Yaḵon sa tumoḵwaḻ si sungadna, maḻpu'tte pusuna ya siya mibelang aḵ angaissaw ḵan siya si antotollong Apudyus.

Romans 14:23

Yaḵon sa tagu we anduwaduwa mipanggob atte maḵan, maḵabasuḻ nu ḵanona te sa anganana daḵampun aḵ nibatay si ustu we pinatina. Pun nu ḵoon taḵu da ngaimane patiyon taḵu we daḵampun aḵ ustu, maḵabasuḻ taḵu.

1 Corinthians 10:31

Yaḵon sa ibagaḵ ḵan diḵayu, da losane ḵoonyu taḵon ay angananyu ḵan uminumanyu ḵoonyu'ḵ madayawan Apudyus.

Acts 10:15

Ḵanan os ni ginga ḵasin ḵan siya, “Da pinapoḻḵas Apudyus, adim dida ibelang aḵ ḵaissaw.”

1 Corinthians 8:7

Yaḵon daḵampun aḵ losan da tagu igammu annae ḵatuttuwaan. Te niyugali ḵan didae andaydayawda'tta sinan-apudyus ḵad nu ḵanonda ḵatti ye maḵane midatun atta sinan-apudyus, simsimmoḵdae midogada andayaw atta sinan-apudyus. Gapu ta anḵuya somsomoḵda, lawweng giḵnada te simsimmoḵdae lawweng ḵingwada.

Hebrews 10:22

Umadani taḵu ḵan Apudyus we sipupusu ya antaḻgod pammati taḵu ḵan siya, ḵad pummoḻḵas da somsomoḵ taḵu'tta lawweng te isun di nawaḻsiyan taḵu si daḻan Kristu ya nadaḻusan da long-ag taḵu si an-imlonge danum.

1 Corinthians 10:25

Pun maḵwa ḵanonyu da losane sidae mangin-an si market ya adiyu im-imuson gapu'tta somsomoḵyu.

1 Timothy 6:5

ya patilayune susubog. Ḵaḵnat te lummaweng somsomoḵda ya naliwatanda ḵatuttuwaan. Te sa ḵananda, sa naapudyusane biyag gapun ni bumaḵnangan.

Hebrews 9:14

Sindumallu we pummoḻḵas taḵu si daḻan Kristu si nangidatunana si long-agna mipagapu'tte annanayune Ispiritu Santu. Ippun basuḻna ya mipagapu'tte natoyana pummoḻḵas somsomoḵ taḵu'tta ippun anunae ḵoon taḵu ta anserbi taḵu si matattagu we Apudyus.

Hebrews 12:15

Ḵasapuḻane ilanyu ta naippun oḵyan osa ḵan diḵayu'ḵ an-awidana ḵinabaḻun Apudyus gapu'tte angiyagayanae amati ḵan siya. Te ngaimane angwa ḵan diḵayu'tte ḵaḵnat isuna ampaite muḻae tumubu'ḵ madadailan da adu.