Romans 9:23 - Sa Ugud Apudyus

²³ Te piona ipailae ippun miyisuwan ni ḵinangatuna ya ḵadaguna'tta tagu we pinilina ḵan inggallapuna insagana'ḵ midoga si ḵabaḻuwane antatagu ḵan Apudyus ad langit.

Romans 9:23 Referans Kwoze

Romans 2:4

Adiyu potogon aḵ Apudyus atte ḵananyu we adimpun diḵayu dusaon gapu ta ḵumadagu, naattom ya amod de anusna. Adiyupun ḵamman igammu we ḵinadaguwana diḵayu ta ibabawiyu da basuḻyu ya agayyu we angwa?

Ephesians 3:16

Ḵad ḵodawoḵ ḵan siya ta mipagapu'tte ḵabooḻan ni Ispirituna we anna'tta pusuyu, pumigsa oḵyan somsomoḵyu we mibatay si ḵinabaḵnang ni ḵinaapudyusnae ippun miyisuwana,

Ephesians 2:10

Te planun Apudyus we pabaruwon da biyag taḵu mipagapu si niyossaanan taḵu ḵan Jesu Kristu ta siya oḵyan ḵoon taḵu da ambaḻu we implanuna si awe ye ḵoon taḵu.

2 Timothy 2:21

Isuna bos atte tagu, nu awad tagu'ḵ papoḻḵasona long-agna'tta ngaimane lawweng, ampatog angusaran Apu ḵan siya te nitotoḵḵon ya nisaganae anserbi'tta losane panggob Apudyus.

Ephesians 2:7

Ḵingwan Apudyus da sana ta ipailana'tte losane timpu ummamdane ḵinabaḻuna ya an-anggom ḵan ditaḵu mipagapu ḵan Jesu Kristu.

Ephesians 1:18

Ḵodawoḵ ose silawan Apudyus da somsomoḵyu ta igammuwonyu namnamaon taḵu gapu si namiliyana ḵan ditaḵu ya maawatanyu ḵaadu ḵan ḵinabaḻun ni bindisyune inkarina'tta tagun Apudyus.

Romans 8:29

Te da pinilin Apudyus misaḻad atte laplapu, inunana dida dinutuḵan aḵ ambalin aḵ isun Jesu Kristu we Abengna ta aḵ Jesus nambalin aḵ panguḻu'tta adu we susunud ḵan Kristu.

Luke 1:17

Ḵad siya umuna nu aḵ Apu ya itton ni Ispiritu Santu ḵabooḻanae isuna innatodna ḵan Profeta Elijah we profeta we an-uuggudon Apudyus atte awe. Antimpuyugona somsomoḵ da an-amae nansubog ya ipaulina bos da lawwenge tagu ḵan Apudyus ta maun-unan da somsomoḵda. Ḵoona ḵaḵnat ta misaganada'tte dumaḵngan Apu.”

1 Thessalonians 5:9

Te adimpun ditaḵu pinili ḵan Apudyus aḵ midoga si umamdane sangana. Yaḵon pinilina ditaḵu'ḵ matagu mipagapu ḵan Jesu Kristu we Apu taḵu,

Colossians 1:12

Pasig ḵayu anggappiya ḵan Apudyus we Ama taḵu we nangitod ḵan ditaḵu si ḵaḻabbongane maḵatawid atta insaganana'tta losane taguna si ampaddae ampangatana.

Ephesians 3:8

Taḵon ay nu saḵon ḵababaan atta losane tagun Apudyus, impailana ḵinabaḻuna si nangittana ḵan saḵon atte gundawaye angipaigammu ḵan diḵayu we Gentil atte ippun miyisuwanae bindisyune awad ḵan Kristu.

Acts 9:15

Yaḵon ḵanan Apu ḵan siya, “Inḵa te siya piniliḵe anserbi ḵan saḵon ta umoyna ipaigammu mipanggob ḵan saḵon atta Gentil, da ari ya diḵayu we ganaḵ Israel.

Romans 8:30

Ḵad da inunana pinulanu'ḵ ambalin aḵ taguna, dida da pinilina ya siya nangwa ḵan dida'ḵ naun-unan ḵad midogada bos atte midayawana.