Romans 9:17 - Sa Ugud Apudyus

¹⁷ Ḵanan ni nigili ye Ugud Apudyus ḵan Pharaoh we ari'd Egypt, “Annaya panggobḵu'tte ḵingwaḵ: Nambalinoḵ siḵa'ḵ ari ta angipail-aḵ si ḵabooḻaḵ ḵan siḵa ya mipaigammu ngadanḵu si intero we luta.”

Romans 9:17 Referans Kwoze

John 17:26

Impaigammuḵ ḵan dida ḵabooḻam ya pagatupaḵe angipaigammu ḵan siḵa ta sa ayatnu ḵan saḵon awad ḵan dida ya awadaḵ ḵan dida.”

Galatians 3:22

Yaḵon adidapun maḵaḵwa te sa ḵanan ni Ugud Apudyus, losane tagu patilayune bumasubasuḻ ya adipun maḵwae mapuḵayandae angwa'ḵ basuḻ atte ḵuwadae ḵabooḻan. Implanun Apudyus sadi ta sa inkarinae mibatay si pammatin ni tagu ḵan Jesu Kristu, abus aḵ maittana da amati.

Galatians 4:30

Yaḵon ngai ḵanan ni Ugud Apudyus? Ḵanana, “Paḻyawom musassu ya sa abengna te adipun maḵwae maḵatawid abeng ni musassu'tte tawidon ni abenge daḵampun aḵ musassu.”

Galatians 3:8

Nipadtu bos atte Ugud Apudyus we gapu'tte pammati, aḵ Apudyus angwa si maun-unan da Gentil si antotollongna te siya pion ni Ambaḻu we Damag ugudon. Sa annae Ambaḻu we Damag, sa naabuse imbagan Apudyus ḵan Abraham we nigili bos atte ugudna. Ḵanana, “Gapu ḵan siḵa, mabindisyunan da tagu'tta losane ili.”

Romans 11:4

Pun ngai insongbat Apudyus ḵan siya? Ḵanana, “Awad da pitullibu we buḻunnu we taguḵe adipun nandayaw atta sinan-apudyus we angngadan aḵ Baal.”