Romans 9:14 - Sa Ugud Apudyus

¹⁴ Ngai ibaga taḵu nu? Piona ḵad ain ḵanane sa ḵingwan Apudyus daḵampun aḵ ustu? Naid!

Romans 9:14 Referans Kwoze

Revelation 16:7

Dingngoḻḵu bos gingae naḻpu si altar we ḵanana, “On Apu we Apudyus we maḵabooḻ atta losan, tuttuwa sanat te naun-unan ya ustuustu andudusam atta tagu.”

Romans 3:1

Pun ngai ambaḻuwan ni ambalin aḵ Judyu? Baḵon nu ngai ḵad ain patog ni sogyat?

Romans 2:5

Yaḵon gapu ta tummungitong da somsomoḵyu ya adiḵayupun ambabawi, amo dog-adog-anyu ḵadusaanyu'tte aḻgawe angipail-an Apudyus atte sangana ya mipaila naun-unane anḵuḵuwisna'tta tagu.

Luke 20:16

Dumatong ḵad, gongatona dida ya impaayyuwanna'tta udume tagu mumuḻḻaan atta de grape.” Dingngoḻ ḵad da tagu sana, ḵananda, “Adi oḵyan maḵwa da ḵaḵna!”

Romans 2:11

Te aḵ Apudyus ḵad ippun laḵsigona nu anḵuwis.

Romans 9:30

Ngai ibaga taḵu nu? Da Gentil we adidapun ginamgaman naun-unanda'tte sinagung Apudyus, naun-unanda gapu si pammatida ḵan Jesu Kristu.