Romans 8:7 - Sa Ugud Apudyus

⁷ Sa tagu we siya isisimoḵna gagangaye pipion ni long-agna, sumullagi ḵan Apudyus te adinapun tuttuwaon pinion Apudyus. Ḵad sa ḵinatuttuwaan, adinapun lamoge anuttuwa'tte lintogna.

Romans 8:7 Referans Kwoze

1 Corinthians 2:14

Yaḵon sa tagu we naippun Ispiritu Santu ḵan siya, adinapun awaton da ngaimane atode maḻpu'tte Ispiritu Santu te dinodong-og ḵan siya. Ḵad adinapun maawatan dida te abus da tagu we iinggawan ni Ispiritu Santu aḵ maḵaawat.

James 4:4

Diḵayu we adipun mataḻgodan da pammatiyu ḵan Apudyus. Adiyupun ḵamman igammu we nu siya ayatonyu da gangganason da tagu we adipun amati, ḵabusuḻ diḵayu ḵan Apudyus? Pun ngaimane angunud atta ugali ye misullagi'tta pinion Apudyus, ambalinona long-agna'ḵ ḵabusuḻ Apudyus.

Romans 7:22

Te sa somsomoḵḵu, amod de ayatḵu si Lintog Apudyus.

Hebrews 8:10

Annaya baru we tuḻagḵu'tta ganaḵ Israel si umali ye aḻgaw, imuḻaḵ lintogḵu'tta somsomoḵda ya igiliḵ atta pusuda. Ḵad saḵon Apudyusda ya dida bos da taguḵ.

2 Timothy 3:4

Ituyuḵda da buḻunda ya ḵoonda da banage adidapun umman somsomḵon ambanagana. Amod ampapasindayawda. Daḵampun ḵan Apudyus ayatonda yaḵon siya amaamayonda da gangganasonda.

Colossians 1:21

Taḵon ay diḵayu'tte awe, adayu ḵayu ḵan Apudyus ḵad sinullagiyu gapu'tte ḵingwayu ya ansosomsomoḵyu.

Romans 8:4

Ḵatti ḵingwan Apudyus ta maḵwae tuttuwaon taḵu we ustu da bilin atte lintog. Pagatupan taḵu we angunud atte pinion ni Ispiritu Santu we daḵampun atte pinion taḵu.

Romans 5:10

Sa awe sissiyae ḵabusuḻ taḵu'ḵ Apudyus. Yaḵon sinsadi, nipaḻ-og naḵabuḻbuḻunan taḵu ḵan siya mipagapu'tte natoyan Jesu Kristu we abengna. Gapu ta buḻbuḻunna ditaḵu, amo dallu we taguwona ditaḵu gapu si ummuliyana.

Romans 1:28

Gapu'tte adidapun namigbigan ḵan Apudyus, iwwaḻangna dida ta iturayan da lawwenge somsomoḵda dida ta ḵoonda da baḻangnae daḵampun oḵyan aḵ maḵwa.

John 7:7

Te ippun lasun da tagu we adipun namati ye sumasanga ḵan diḵayu yaḵon sasangngaanda saḵon te panoḵnoḵaḵe lawweng da ḵoḵoḵḵonda.

Romans 3:31

Ḵad idiyan taḵu ḵad ain lintog gapu si annae pammati? Naid! Yaḵon ipaila taḵu we tuttuwa pion ni lintog ḵanan.

Romans 1:30

Alliḵudda'tta asintataguda, sasangngaanda'ḵ Apudyus, am-amsewonda da asintataguda, indaddayawda, ansoḵaḻda, pasig ose ansomsomoḵda'tta udume kalasin di lawweng ya adidapun tuttuwaon da aammada ya da iinnada.

Matthew 12:34

Diḵayu we ganaḵ ni uḻog! Ngai inonae ambaḻu da ugudonyu si gagangaye lawweng ḵayu? Te sa mapopompon atta somsomoḵyu, siya ugudon da sungadyu.

2 Peter 2:14

Ḵad pionda adaḻugon da ngaimane bubai ye ilanda, adidapun mappoge bumasubasuḻ. Nalaingda bose angawis atta tagu we adipun ampigsa pammatida ta masubsubdae bumasuḻ. Ummingsada si ḵamommod. Aaddi ye dusaon Apudyus dida.

Matthew 5:19

Ḵad ngaimane allisalis taḵon ay ḵapeetan atta bilin Apudyus ya tuttuduwana da udum ose ḵoonda ḵaḵna, mibelange ḵababaan si ampangatan Apudyus. Yaḵon sa tagu we tumuttuwa ḵan angituttudu'tta bilinna, mibelange ḵangatuwan atte ampangatan Apudyus.

1 Corinthians 9:21

Isun ni antuttuduwaḵ atta Gentil we adidapun unudon lintog da Judyu, ambalinaḵ aḵ dogada ta adu da maawisḵu ḵan dida. Yaḵon daḵampun aḵ ḵanaḵe adiḵ tuttuwaon Lintog Apudyus te sissiyae unudoḵ da lintog Kristu.

Colossians 2:18

Adiyu tuttuwaon da potogonda diḵayu ya ipatutdae tuttuwaonyu da ngilinonda ya andayaw atta anghel. Yaḵon da annae tagu, ansoḵaḻdae siya ambatayanda da naippun anunae nainlubungane ansosomsomoḵda te ḵanandae inninggaw nampaila ḵan dida si isun di in-inop.