Biblia Todo Logo
Bib sou entènèt

- Piblisite -




Romans 8:32 - Sa Ugud Apudyus

32 Gapu ta adipun aḵ Apudyus nagagae nangidatun si os-ossaane abengna para ḵan ditaḵu losan, adinapun ḵamman os itton da losane ḵasapuḻan taḵu gapu si ḵinabaḻuna?

Gade chapit la Kopi




Romans 8:32
19 Referans Kwoze  

Gapu ta amod de ayat Apudyus atta tagu si lubung, innatodna os-ossaane abengna'ḵ datun ta ngaimane amati ḵan siya, adipun madusa'ḵ inggana yaḵon awad ḵan siya biyag aḵ inggana.


Igammu taḵu we losane banage maḵwa antitimpuyugda ta ambanag atte bumaḻuwan da angay-ayat ḵan Apudyus ya da pinilina sigun atte panggobna.


Ḵad sana gattoḵe ayat: Daḵampun atte ayat taḵu ḵan Apudyus yaḵon sa ayatnae impailana ḵan ditaḵu si nangibuunana si Abengna ta siya angidatun atte long-agna ta maḵaan sangan Apudyus ya mapakawan da basuḻ taḵu.


Aḵ Kristu, ippun paat basuḻna. Yaḵon gapu ḵan ditaḵu, imbelang Apudyus aḵ ḵabasbassuḻan ta mipagapu si niyossaanan taḵu ḵan siya, aḵ Apudyus angwa si maun-unan taḵu.


Sinsadi ditaḵu we namati, daḵampun aḵ sa ispiritun da tagu we adipun namati inawat taḵu yaḵon sa Ispiritu we naḻpu ḵan Apudyus ta maawatan taḵu mipanggob atta losane innatod Apudyus ḵan ditaḵu gapu si ḵinabaḻuna.


Te sa bayad ni basuḻ siya ḵatoy. Yaḵon sa libli ye atod Apudyus siya biyag aḵ inggana mipagapu si niyossaanan taḵu ḵan Jesu Kristu we Apu taḵu.


Impuḻang Apudyus aḵ matoy aḵ Jesus ta bayad da basuḻ taḵu ya tinaguna ta ibelang Apudyus ditaḵu'ḵ naun-unan.


Baag-en ḵanan ni gingae naḻpu'd langit, “Annaya Abengḵu we ay-ayatoḵ ya mamas-omaḵ ḵan siya.”


Sa tagu ḵade oḻgona lawweng, allaḵsunna da anna losan. Bigbigona saḵon aḵ Apudyusna ya bigbigoḵ ose abengḵu.


Te losan da sanae ampaḵaḻamanni, para'tte bumaḻuwanyu ta umadu da tagu we angipadas atte ḵinabaḻun Apudyus. Te nu umaduaduda, umadu bos da anggappiya ḵan Apudyus ya sadi madayawana.


Te nu adimpun Apudyus ḵinagagaane nanopaḵ atta Judyu we gagangaye pangana, magaga ḵamman ose anopaḵ ḵan diḵayu we mipani'tta pangae nisugtup?


Pun diḵayu we ḵabasbassuḻan, igammuyu we angitod si ambaḻu'tta abengyu, maguḻaman aḵ Amayu'd langit adina itton ambaḻu'tta anḵodaw ḵan siya. Sana mungimung ni tuttudun Jesus mipanggob atte luwaḻu.


Taḵon ay andadauy ḵani, pasig ḵani bos allaylayad. Ḵapus ḵani yaḵon mipagapu'tte tuttuduni adu da bummaḵnang atta naispirituwane banage itton Apudyus. Naippun ḵuḵuwani yaḵon ḵuwani da losan gapu'tte pammatini ḵan Apudyus.


Swiv nou:

Piblisite


Piblisite