Romans 8:26 - Sa Ugud Apudyus

²⁶ Daḵampun aḵ abus namnama taḵu'ḵ bumadang ḵan ditaḵu yaḵon sa Ispiritu Santu bumadang atta anḵuyaan taḵu. Te ippun igammu taḵu'tta iluwaḻu taḵu. Yaḵon sa Ispiritu we mismu angiluwaḻu'tta ḵodawon taḵu we adipun mibungangay.

Romans 8:26 Referans Kwoze

Matthew 10:20

Te daḵampun ḵan diḵayu maḻpuwan ni ibagayu nu adi sa Ispiritu Santu.

Ephesians 6:18

Sa angiḵabotanyu'tta anna losan, pasigyu oḵyan iluwaḻu ḵan Apudyus da paipaspasmoḵ ni Ispiritu Santu ḵan diḵayu'tte ngaimane ḵasasaad. Ilanyu bos ta pasigyu iluwaḻuwan da losane tagun Apudyus.

Galatians 4:6

Gapu ta abeng Apudyus ditaḵu, imbuunna Ispirituna we inkarin ni Abengna ta iinggaw ḵan ditaḵu. Ḵad gapu'tte Ispirituna, Ama usaron taḵu we angawag ḵan Apudyus si alluwaḻuwan taḵu ḵan siya.

John 14:16

Ḵad ḵodawoḵ ḵan Amaḵ ta angibuun aḵ Bumadang ḵan diḵayu. Siya Ispiritu Santu we inggaw ḵan diḵayu'ḵ inggana.

Ephesians 2:18

Ḵad mipagapu ḵan Kristu, maḵwae umadani taḵu losan ḵan Apudyus we Ama taḵu te ossaan Ispiritu we iinggaw ḵan ditaḵu.

Romans 8:15

Te sa Ispiritu we innatod Apudyus ḵan ditaḵu, adinapun ditaḵu nambalinon aḵ musassu we umogyate isun ni ḵasasaad taḵu si awe yaḵon nambalinon ditaḵu'ḵ abeng Apudyus. Pun gapu'tte ḵabooḻan ni Ispiritu Santu, maḵwa ḵanan taḵu ḵan Apudyus we Ama!

Hebrews 4:15

Te sa ḵangatuwane padi taḵu maawatana da losane anḵuyaan taḵu te pinadasna da nankalakalasi ye sulisuge isu taḵu bos. Yaḵon adipun naḵabasuḻ.

James 4:3

Ḵad taḵon ay nu anḵodaw ḵayu, adinapun os itton te lawweng panggobyu we anḵodaw. Te abus gangganason da long-agyu'ḵ ḵodawonyu.

Romans 15:1

Ditaḵu we ampigsa da pammati taḵu, ḵasapuḻane anusan taḵu da anḵuya da pammatida. Daḵampun aḵ abus bumaḻuwan taḵu'ḵ somsomḵon taḵu.

Luke 22:44

Ḵad gapu'tte ummamdane ampaḵaḻamana, pummangoge nalluwaḻu woḵ sa lingotna isunan daḻae nantottod si luta.

2 Corinthians 5:4

Sa matattaguwan taḵu'd luta, umay-ayuwong taḵu gapu'tte ampaḵaḻaman taḵu. Daḵampun aḵ gapu ta pion taḵu tenan gagangaye long-ag taḵu we matoy yaḵon pion taḵu we mipasani baru we long-ag ta sa long-age matoy mapasantan si long-age matagu'ḵ inggana.

2 Corinthians 5:2

Ḵad sinsadi, tuttuwae umayuwong taḵu we anguuway atte mapasantan ni annae long-ag taḵu si baru we long-age maḻpu'd langit

Matthew 20:22

Ḵanan Jesus atta duwae ansunud, “Ippun igammuyu'tte ḵodawonyu. Maanusanyu ḵad aine ampaḵaḻame isun ni ampaḵaḻamaḵ?” Ḵananda, “On, lamogni.”

Hebrews 5:2

Siya ḵad anna bos anḵuyaana ḵad maanusana da ḵabasbassuḻane adidapun igammu we lawweng da ḵooḵoonda.

Romans 7:24

Ḵaddaguwaḵ! Ngai nin anaḻaḵnib ḵan saḵon atte annae long-age siya gapun ni matoyaḵ?