Romans 8:25 - Sa Ugud Apudyus

²⁵ Yaḵon gapu ta namnamaon taḵu daantaḵupun ilan, ḵasapuḻane anusan taḵu uwayon.

Romans 8:25 Referans Kwoze

Romans 12:12

Gangganasonyu namnamayu, anuanusanyu da ampaḵaḻamanyu ya ipapatiyu we alluwaḻu.

Hebrews 10:36

Ḵasapuḻane anusanyu we angwa'tta pinion Apudyus, ḵad awatonyu inkarina.

1 Thessalonians 1:3

Te nu alluwaḻu ḵani ḵan Ama taḵu we Apudyus, iḵagasmoḵni inonyu we nangigunay atta pammatiyu, pangogyu we nanḵewaaḻ gapu'tte ayat ḵan impapatiyu te antaḻgod ḵayu'tte namnamayu ḵan Apu Jesu Kristu taḵon ay nu ampaḵaḻam ḵayu.

Colossians 1:11

Oḵyan pos ta sa nakaskasdaawe ḵabooḻan Apudyus amapigsa'tta somsomoḵyu ya lumayad ḵayu ta taḵon ay nu ngai maḵwa ḵan diḵayu, lamogyu maattomane angiyanus.

Luke 21:19

Yaḵon ngaimane angiyattom atta losane ampaḵaḻaman ya gogomgomana pammatina, matagu'ḵ inggana.”

2 Thessalonians 3:5

Oḵyan nu idaḻan Apu da somsomoḵyu'tte ayat Apudyus ya sa ḵinaanus Kristu.

Romans 8:23

Yaḵon daḵampun aḵ abusda'ḵ ampaḵaḻam te ampaḵaḻam taḵu bose inggawan ni Ispiritu Santu we sa ummunae atodna ḵan ditaḵu we amati. Umayuwong taḵu si anguuwayan taḵu'tte timpu we angipail-an Apudyus we ditaḵu abengna nu dumatong angobosana'tta long-ag taḵu si baru we long-age adipun matoy.

Revelation 1:9

Saḵon aḵ John we sunudyu ḵan Kristu ya buḻunyu we nangiyattome nampaḵaḻam gapu'tte niyossaanan taḵu ḵan Jesu Kristu si ampangatana. Gapu'tte nangiwaḻagawagaḵ si Ugud Apudyus ya sa namanoḵnoḵaḵ si mipanggob ḵan Jesus, naḵoddonganaḵ aḵ madusa woḵ inniyoyda saḵon ad Patmos, sa ban-oge ili ye niliḵwos ni baybay.

Hebrews 6:12

Adinipun pione bumaduuḻ ḵayu nu adi miyisu ḵayu oḵyan atta udume gapu'tte pammatida ḵan ḵinaanusda, tawidonda inkarin Apudyus.

Romans 2:7

Da tagu we angipapati angwa'tta ambaḻu ta madayawanda, mapatganda ya mataguda'd langit aḵ inggainggana ya dida angittan Apudyus si biyag aḵ inggana.

Luke 8:15

Da naottag ḵad atte alluta, isuda da tagu we andongoḻ si Ugud Apudyus, pinagatupandae namati ḵan ampoḻḵapoḻḵas da somsomoḵda, anusanda inggana'ḵ angwada'tta adu we ambaḻu we banage mas-oman Apudyus we isun ni muḻae adu ambubungana.”

Revelation 14:12

Siya gapunae ḵasapuḻane iyattom da tagun Apudyus we anuttuwa'tta bilinna ya angipapati si pammatida ḵan Jesus.

Revelation 13:10

Da niḵoddonge mibaḻud, aaddi ye mibaḻudda ḵad da niḵoddonge mapatoy si ispada, aaddi ye mapatoyda si ispada. Pun ḵasapuḻane da tagun Apudyus attomanda da losane ampaḵaḻamanda ya ipapatida da pammatida.

Hebrews 6:15

Gapu ta inan-anusan Abraham inuway, inawatna inkarin Apudyus.