Romans 8:14 - Sa Ugud Apudyus

¹⁴ Te losane tagu we idaḻan ni Ispiritu Santu, dida da abeng Apudyus.

Romans 8:14 Referans Kwoze

Galatians 5:18

Yaḵon nu sa Ispiritu Santu angidaḻan ḵan diḵayu, adiḵayupun mapatute anuttuwa'tta bilin ni lintog.

John 1:12

Yaḵon da losane nangawat ya namati ḵan siya, innatodna ḵan dida ḵaḻabbongane ambalin aḵ abeng Apudyus.

Galatians 3:26

Te losan ḵayu nibelang aḵ dummaḵoḻe abeng Apudyus mipagapu si pammatiyu ḵan Jesu Kristu si niyossaananyu ḵan siya.

Galatians 5:16

Annaya ibagaḵ ḵan diḵayu, paidaḻan ḵayu si Ispiritu Santu te nu ḵatti ḵoonyu, adiyupun tuttuwaon pipion da long-agyu.

Revelation 21:7

Sa tagu ḵade oḻgona lawweng, allaḵsunna da anna losan. Bigbigona saḵon aḵ Apudyusna ya bigbigoḵ ose abengḵu.

1 John 3:1

Somsomḵon taḵu ḵad mipanggob si ḵapatog ni ayat Apudyus we Ama ḵan ditaḵu te gapu'tte sanae nakaskasdaawe ayat, imbelangna ditaḵu'ḵ abengna ḵad tuttuwae abengna ditaḵu. Yaḵon da adipun amati, adidapun bigbigone abeng Apudyus ditaḵu te adidapun os binigbig aḵ Apudyus we Ama taḵu.

2 Corinthians 6:18

Te nu ḵoonyu ḵatti, mibelangaḵe amayu ya diḵayu da abengḵu. Sana ḵanan Apu we maḵabooḻ.”

Galatians 4:6

Gapu ta abeng Apudyus ditaḵu, imbuunna Ispirituna we inkarin ni Abengna ta iinggaw ḵan ditaḵu. Ḵad gapu'tte Ispirituna, Ama usaron taḵu we angawag ḵan Apudyus si alluwaḻuwan taḵu ḵan siya.

Romans 8:5

Te sa tagu we isisimoḵna pion ni long-agna, paituray atte pion ni long-agna. Yaḵon sa tagu we angwa'tta pion ni Ispiritu Santu, sa Ispiritu Santu angituray ḵan siya.

Romans 8:9

Yaḵon ḵan diḵayu, daḵampun ogon si gagangaye pipion ni long-ag angituray ḵan diḵayu yaḵon sa Ispiritu Santu angituray ḵan diḵayu nu tuttuwae siya iinggaw ḵan diḵayu. Ngaimane tagu we naippun Ispiritu Santu we inkarin Jesus, daḵampun aḵ tagun Kristu.

Ephesians 5:9

Te nu nasilawan somsomoḵ ni tagu, bumaḻu ugalina ya naun-unan ḵan tuttuwa.

Romans 8:19

Te da losane ḵingwan Apudyus, uuwayonda timpu we angipail-an Apudyus atte ḵinangatun da abengna.

Romans 9:8

Ḵad sa piona ḵanan, daḵampun aḵ losane ganaḵ Abraham mibelangda'ḵ abeng Apudyus. Yaḵon abus da miyanaḵ gapu si inkarin Apudyus aḵ mibelang aḵ abengna.

Ephesians 1:5

inggallapuna simsimmoḵe ambalinon ditaḵu'ḵ abengna mipagapu ḵan Jesu Kristu te siya piniona ya panggobna'tte amalayad ḵan siya.

Romans 9:26

“Sa sadi ye lugar we nangibag-aḵe daḵampun aḵ taguḵ diḵayu, sanat os lugar we maawaganda'ḵ abeng ni matattagu we Apudyus.”

Matthew 5:9

Pian da tagu we angwa si maḵalin-awaan da udume tagu'tta sin-ossaossa te ibelang Apudyus dida'ḵ abengna.

Galatians 4:5

Ḵingwana ḵatti ta subutona da nampaituray atte lintog ta mibelang taḵu'ḵ dummaḵoḻe abeng Apudyus.

1 John 3:24

Da losane anuttuwa'tta bilin Apudyus, iinggawda ḵan Apudyus ya iinggaw os aḵ Apudyus ḵan dida. Ḵad sa angigammuwan taḵu we iinggaw aḵ Apudyus ḵan ditaḵu, sa Ispiritu Santu we innatodna ḵan ditaḵu.