Romans 7:23 - Sa Ugud Apudyus

²³ Yaḵon sa basuḻe angituray atte long-agḵu, siya bumusuḻ si somsomoḵḵu we anuttuwa si lintoge pinion Apudyus. Ḵad sa basuḻe nangituray ḵan saḵon, nambalinonaḵ aḵ baḻud.

Romans 7:23 Referans Kwoze

Galatians 5:17

Te da pipion da long-ag taḵu, misullagi si pipion ni Ispiritu Santu. Ḵad sa pipion ni Ispiritu Santu, misullagi bos atta pipion da long-ag taḵu. An-asisullagida, pun sana lamog taḵu adi angwaan atta pion taḵu ḵoon.

James 4:1

Annaya ud imusoḵ, ngai gapun ni ampapatoyanyu ḵan ansusuboganyu? Daḵampun ḵamman aḵ sa amaamayonyu gumulu si ambaḻu we somsomoḵyu?

Romans 8:2

Gapu si niyossaanan taḵu ḵan Jesu Kristu, anturay Ispiritu Santu ḵan ditaḵu ya innatodna baru we biyag ḵan ditaḵu ya pinuḵayan ditaḵu'tte ḵabooḻan ni basuḻ ḵan ḵatoy.

Romans 6:19

An-ugudaḵ atte allasu we maawatan da tagu we daampun aḵ maangsan. Sa awe, iyyunudyu da long-agyu'ḵ nammusassu'tta angwaanyu'tta ngaimane lawweng ḵan maḵabasuḻanyu'ḵ amod. Pun sinsana, iyunudyu da long-agyu'ḵ ammusassu we angwa'tta naun-unan ta mitotoḵḵon ḵayu'ḵ taguna ta bumaḻu ugaliyu.

Romans 7:25

Anggappiyaaḵ ḵan Apudyus te siya abus aḵ anagu ḵan saḵon mipagapu ḵan Jesu Kristu we Apu taḵu. Pun sa annae ḵasasaadḵu, sa somsomoḵḵu pioḵe anserbi'tte Lintog Apudyus yaḵon sa long-agḵu piona anserbi'tte lintog ni basuḻ.

1 Peter 2:11

Susunud ḵan Kristu we ay-ayatoḵ, gapu ta isu taḵun ḵaili si annae lubung ya sin-aḵitane abus inggawan taḵu sina, an-awidanyu ḵappos pipion ni long-agyu we angubagubat ḵan diḵayu.

Hebrews 12:4

Te naippun pummoy-as daḻana ḵan diḵayu si nangipapattiyanyu ta adi ḵayu maḵabasuḻ.

Romans 7:21

Pun sa maawataḵ atte mataguwan taḵu nu pioḵe ḵoon ambaḻu, amo siya ḵooḵ lawweng.

Romans 7:5

Sa awe ye nangunudan taḵu'tta pion da long-ag taḵu, inigammu taḵu ḵad lintog amo amaamayon taḵu we angwa'ḵ basuḻ. Pun siya gapunae ḵoon taḵu da ambanag si matoyan taḵu ḵan misinaan taḵu ḵan Apudyus aḵ inggana.

Romans 6:13

Ḵad adi taḵu usaron ngaimane ḵamangay da long-ag taḵu we angwa'ḵ lawwenge isun ni dagus taḵu ḵingwa si daan taḵu amatiyan woḵ nibelang taḵu'ḵ nanattoye patilayun angwa'ḵ basuḻ. Yaḵon idatun taḵu da long-ag taḵu ḵan Apudyus we angwa'tta maun-unane panggobna te sinsadi innatod Apudyus ḵan ditaḵu baru we biyage anserbi ḵan siya.

Romans 7:14

Igammu taḵu we sa lintog naispirituwan. Yaḵon taguwaḵe abus, ninginae isun di musassun ni basuḻ.

James 3:2

Losan ḵan ditaḵu, adu angkamaliyan taḵu. Yaḵon sa tagu we ippun angkamaliyana'tte an-uugudna, naangsan te lamogna tupodon long-agna.