Romans 7:14 - Sa Ugud Apudyus

¹⁴ Igammu taḵu we sa lintog naispirituwan. Yaḵon taguwaḵe abus, ninginae isun di musassun ni basuḻ.

Romans 7:14 Referans Kwoze

Romans 7:18

Te igammuḵe naippun ambaḻu'ḵ gagangaye ugalin di tagu we anna ḵan saḵon. Te taḵon ay nu pioḵe angwa'tta ambaḻu, adiyaḵpun maḵaḵwa.

Ephesians 3:8

Taḵon ay nu saḵon ḵababaan atta losane tagun Apudyus, impailana ḵinabaḻuna si nangittana ḵan saḵon atte gundawaye angipaigammu ḵan diḵayu we Gentil atte ippun miyisuwanae bindisyune awad ḵan Kristu.

Matthew 5:28

Yaḵon ibagaḵ ḵan diḵayu we ngaimane angitotollong si bubai ya pionae adaḻugon, nagagangput naḵabasuḻ si dagdagas atte somsomoḵna.

Matthew 5:22

Yaḵon sa ibagaḵ ḵan diḵayu, ngaimane sumasanga si asintataguna maḵuwis ḵan maḵoddongan aḵ madusa. Ngai ḵad ose angibabbain atte asintatagunae ḵanana, ‘Ippun paat silbim,’ midaḻum atta ḵuḵunsisaḻ. Isun os da ḵanandae, ‘Dong-ogḵa,’ inḵa si apuy ad infiernu.

Luke 7:6

Iyyunud ḵad Jesus, nibuḻun ḵan dida. Madam-anda ḵad atte boḻoy, imbuun ni kapitan da buḻbuḻunna ta umoyda ibaga ḵan Jesus da imbagana woḵ ḵananda, “Apu, adiḵa umali'tte boḻoyḵu ta adiḵa mataḵtaḵ. Gapu'tte ḵinapatognu naippun labbongḵu we ammangili ḵan siḵa'tte boḻoyni.

Luke 5:8

Innilan ḵad Simon Peter naḵwa, nanalluḵu'tte sinagung Jesus woḵ ḵanana, “Apu tenam saḵon te ḵabasbassuḻanaḵ!”

Matthew 18:25

Naippun ḵad ambayad ni sadi ye sammilu si utangna, imbilin ni ari ye ḵasapuḻane mingina da losane simbaḻyan ya da losane ḵuḵuwada ta ambayadna'tte utangna.

Matthew 16:23

Yaḵon nansagung aḵ Jesus woḵ ḵanana, “Ḵumunudḵa Satan! Tumupodḵa ḵan saḵon. Te sa somsomoḵnu, daḵampun si pinion Apudyus yaḵon sa pion da tagu.”

Hebrews 4:12

Te sa Ugud Apudyus matattagu te maḵabooḻe awad da ambanaganda. Natadtadom nu sa ispadae nansupang ngaḻabnae lamogna sillauton da um-um ya da utoḵ te sa Ugud Apudyus lonḵona daḻome ḵamangay da tagu taḵon ay da ḵalidodwada ya da ispirituda ḵad lamogna bos usigon somsomoḵ da tagu ya imatunana da migagaḻae somsomoḵ.

Romans 3:9

Pun un-unnoy taḵu ḵad aine Judyu nu da Gentil? Naid! Inug-uggud taḵu we losane tagu iturayan ni basuḻ, Judyu man baḵon nu Gentil.

Romans 6:6

Igammu taḵu we sa dadaane ḵinatatagu taḵu nidoga nipattoḻ atte kros ta madadail amaamay taḵu we angwa'ḵ basuḻ ḵad daḵantaḵupun ogon aḵ ammusassun ni basuḻ.

Galatians 4:3

Ḵatti naḵwa ḵan ditaḵu, sa timpu we isu taḵun abeng te daantaḵupun yan maawatan tuttuwae mituttudu, nammusassuwon ditaḵu gapu'tta ug-ugali mipanggob atta lawwenge ispiritu si annae lubung.