Romans 6:3 - Sa Ugud Apudyus

³ Adiyupun ḵamman igammu we losan taḵu we nabonyagan ḵan Jesu Kristu nidoga taḵu bos atte natoyana?

Romans 6:3 Referans Kwoze

Galatians 3:27

Gapu ta nabonyagan ḵayu'ḵ niyossaan ḵan Kristu, sinsadi annat ḵan diḵayu ugalin Kristu we isunan nansilupyu.

Romans 6:8

Gapu ta naḵaḵatoy taḵu ḵan Kristu, amati taḵu we midoga taḵu bos ḵan siya matagu'ḵ inggana.

1 Corinthians 12:13

Losan taḵu we namati, Judyu baḵon nu Gentil, musassu baḵon nu daḵampun, nabonyagan taḵu we ossaane long-ag mipagapu'tte ossaane Ispiritu Santu ya sa sanae Ispiritu, siya inawat taḵu we losan.

1 Peter 3:21

Sa sadi ye danum, mipani si bonyag. Gapu'tte nampabonyaganyu, taguwon Apudyus diḵayu'tte mipagapu si ummuliyan Jesu Kristu. Ḵad sa bonyag, daḵampun aḵ sa naamosan ni long-agyu ta maḵaan ḵaissaw nu adi sa alluwaḻuwanyu ḵan Apudyus ta daḻusana da somsomoḵyu.

Acts 2:38

Ḵanan Peter ḵan dida, “Ibabawiyu da basuḻyu ya agayyu we angwa ya awad osa ḵan diḵayu ampabonyag atte ngadan Jesu Kristu ta mapakawan da basuḻyu ya awatonyu atod ni Ispiritu Santu.

Matthew 28:19

Pun inḵayu'tta losane tagu'tta losane ili ya ambalinonyu dida'ḵ disipuluḵ. Annaya inonyu we angwa'ḵ disipulu. Bonyaganyu dida mipagapu'tte ḵaḻabbongan Apudyus we Ama ya Apudyus we Abeng ya Apudyus we Ispiritu Santu.

James 4:4

Diḵayu we adipun mataḻgodan da pammatiyu ḵan Apudyus. Adiyupun ḵamman igammu we nu siya ayatonyu da gangganason da tagu we adipun amati, ḵabusuḻ diḵayu ḵan Apudyus? Pun ngaimane angunud atta ugali ye misullagi'tta pinion Apudyus, ambalinona long-agna'ḵ ḵabusuḻ Apudyus.

1 Corinthians 9:13

Adiyupun ḵamman igammu we da anserserbi si templo maḻpu ḵanonda si templo ya da anserserbi si altar maḵabillayda'tte datun?

Romans 7:1

Susunudḵu ḵan Kristu, igammuḵe maawatanyu da annae ibagaḵ te igammuyu mipanggob atte lintog. Igammuyu we sa lintog anna ḵaḻabbongana'tte tagu si matattaguwanae abus.

Romans 6:16

Adiyupun ḵamman igammu we nu ngai angittanyu'tta long-agyu ya tuttuwaonyu, siya simmusassu ḵan diḵayu? Nu sa basuḻ angittanyu'tta long-agyu, ambanag atte matoyanyu. Yaḵon nu ittonyu da long-agyu'ḵ tumuttuwa ḵan Apudyus, siya simmusassu ḵan diḵayu ya siya angwa si maun-unanyu.

Acts 19:5

Dingngoḻda ḵad ay sadi, nampabonyagda'tte ngadan Apu Jesus.

1 Corinthians 6:9

Adiyupun ḵamman igammu we da angwa'ḵ lawweng adidapun gangganason da laḵsunda si midog-anda si ampangatan Apudyus? Adiyu allelawon da long-agyu te da angadaḻug atta daḵampun aḵ asawada, da andayaw atta sinan-apudyus, da laḻaḵi ye angadaḻug atta asillaḻaḵida ya da bubai ye angadaḻug atta asimbubaida, da maḵadagdagas ya da laḻaḵi ye mabayadan,

1 Corinthians 5:6

Daḵampun aḵ ambaḻu ansoḵaḻ ḵayu. Adiyupun ḵamman igammu we sa poose yeast pabotaḻona losan niḵamsanae arina?

Acts 8:16

te sa sadi ye timpu daampun umoy Ispiritu Santu ḵan dida, abus nampabonyagda'tte ngadan Apu Jesus.

2 Corinthians 13:5

Awad oḵyan osa ḵan diḵayu usigona long-agna ta ilana nu tuttuwae namati si Ambaḻu we Damag mipanggob ḵan Jesu Kristu. Adiyupun ḵamman igammu we awad aḵ Jesu Kristu ḵan diḵayu? Malaksid nu daḵampun aḵ tuttuwae namati ḵayu ḵan siya.

1 Corinthians 15:29

Sosomḵon taḵu ḵasin mataguwan da natoy. Nu daḵampun aḵ tuttuwae taguwon Apudyus da natoy, ngai anun ni nabonyagan da udum para'tta buḻundae natoy? Ngaipada bos mabonyagan mipagapu'tta natoy?

1 Corinthians 3:16

Adiyupun ḵamman igammu we diḵayu templo we boḻoy Apudyus gapu'tte Ispiritunae iinggaw ḵan diḵayu?

1 Corinthians 6:19

Adiyupun ḵamman igammu we sa long-ag taḵu templon ni Ispiritu Santu we innattod Apudyus aḵ iinggaw ḵan ditaḵu? Daḵampun aḵ ḵuwa taḵu long-ag taḵu te ḵuwan Apudyus,

1 Corinthians 9:24

Ipaniḵ namatiyan taḵu'tte todtoddaḵ. Igammu taḵu we nu awad todtoddaḵ, padason da losane maḵatodtoddaḵe angngog yaḵon ossaan magungunaan. Pun isuna ḵan ditaḵu we namati, igga taḵu ḵabooḻan taḵu ta maaḻa taḵu gungunae itton Apudyus.

1 Corinthians 10:2

Ḵad da danaḵḵoḻ taḵu, isun di nabonyagandae niyossaan ḵan Moses te binigbigdae siya pangatda si naalidunganda'tte libuu ya sa nanaddaḻananda si baybay.