9 Pun gapu ta ginangput Apudyus ditaḵu ḵingwa'ḵ naun-unan mipagapu'tte daḻan Kristu we pummoy-as atte natoyana, aaddi ye igammu taḵu we mipagapu ḵan Kristu matagu taḵu'tte anguwisan Apudyus atta tagu.
Ḵad imbagada bose anusanyu uuwayon Abengna we maḻpu'd langit. Siya'ḵ Jesus we impaulin Apudyus ya siya angiligsi ḵan ditaḵu'tte ummamdane sangan Apudyus we dumatong.
Yaḵon sinsadi ḵad, gapu si niyossaananyu ḵan Jesu Kristu, diḵayu we adayu si awe, niyadani ḵayu ḵan Apudyus mipagapu si pummoy-asan ni daḻan Kristu si natoyana.
Pun gapu ta aḵ Apudyus nangwa ḵan ditaḵu'ḵ naun-unan gapu'tte pammati taḵu, allin-awa maḵabuḻbuḻunan taḵu ḵan Apudyus mipagapu'tte ḵingwan Jesu Kristu we Apu taḵu.
Te aḵ Apudyus ad langit, impaigammuna sangana'tta adipun andayaw ḵan siya ya da angwa'ḵ lawweng. Te sa ḵinalawengda anupod si mipaigammuwan ni ḵatuttuwaan.
Sindumallu we pummoḻḵas taḵu si daḻan Kristu si nangidatunana si long-agna mipagapu'tte annanayune Ispiritu Santu. Ippun basuḻna ya mipagapu'tte natoyana pummoḻḵas somsomoḵ taḵu'tta ippun anunae ḵoon taḵu ta anserbi taḵu si matattagu we Apudyus.
Yaḵon nu sissiyae mabiyag taḵu'tte paddae isun Apudyus we anna'tte padda, maḵabuḻbuḻun taḵu'tta doga taḵu we namati ḵad pumoḻḵas losan da basuḻ taḵu gapu'tte daḻan Jesus we Abengna.
Sa awe sissiyae ḵabusuḻ taḵu'ḵ Apudyus. Yaḵon sinsadi, nipaḻ-og naḵabuḻbuḻunan taḵu ḵan siya mipagapu'tte natoyan Jesu Kristu we abengna. Gapu ta buḻbuḻunna ditaḵu, amo dallu we taguwona ditaḵu gapu si ummuliyana.
Ḵatti losan antatagu taḵu si awe ye siya ḵooḵoon taḵu da pipion ni long-ag taḵu. Ngaimane amaamayon ni long-ag taḵu ḵan somsomoḵ taḵu, dida da unudon taḵu. Pun sa gagangaye antatagu taḵu labbongnae nidoga taḵu'tta tagu we dusaon Apudyus.