Romans 3:10 - Sa Ugud Apudyus

¹⁰ Te sa ḵanan ni nigili ye Ugud Apudyus, “Naippun tagu'ḵ naun-unan, taḵon ay ossaan.

Romans 3:10 Referans Kwoze

Romans 3:23

Te losan taḵu naḵabasuḻ ḵad adayu taḵu si ḵinabaḻun Apudyus.

Matthew 15:19

Te sa somsomoḵ, siya maḻpuwan ni losane somsomḵon ni tagu we isun da sana; adaḻugona daḵampun aḵ asawana, an-aḵaw, pumatoy, maḵadagdagas, taḵdoḻana da tinutuli ya an-ugud aḵ lawweng atta asintataguna.

Titus 3:3

Te taḵon ay ditaḵu we namati, nandongdong-og taḵu si awe ḵad aditaḵupun os tummuttuwa. Gattoḵe naallelaw taḵu ḵan nipuyut taḵu'tta daḵampun aḵ ustu ya nambalin taḵu'ḵ musassu'tta nansabasabali ye amaamayon da long-ag taḵu ya da ginangganas taḵu. Losane aḻgaw taḵu lawweng ḵasomsomḵan taḵu'tta buḻun taḵu, an-aḵ-apos taḵu, lalawwengon ditaḵu ya an-sassanga taḵu.

Mark 10:18

Ḵanan Jesus ḵan siya, “Ngaipam saḵon awagan aḵ ambaḻu? Naippun udum aḵ ambaḻu yaḵon abus aḵ Apudyus.

1 Peter 1:16

Te nibaga si nigili ye Ugud Apudyus we ḵanana, “Ḵasapuḻane nasantuwan ḵayu te nasantuwanaḵ.”

Romans 3:4

Naid! Te tuttuwa'ḵ Apudyus, taḵon ay nu tuliyan da losane tagu. Te sa nigili ye ugudna ḵanana, “Nu taḵdoḻam mismu we long-agnu, ipailame ustu da ḵingwam ḵan pasige oḻgom da losane amabasuḻ ḵan siḵa.”

Revelation 22:15

Yaḵon adipun maḵaḻnoḵ sidi da ngaimane angwa'tta lawweng, da andadawaḵ, da angadaḻug atta daḵampun aḵ asawada, da pumappatoy, da andaydayaw atta sinan-apudyus ya da losane tuliyan ya da ḵapappaila.”

Revelation 21:8

Yaḵon ampaḵimut maḵwa'tta tagu we adidapun ipapuut pammatida gapu si ogyatda, da naippun pammatida, da lawweng ugalida, da pumappatoy, da angadaḻug atta daḵampun aḵ asawada, da andadawaḵ, da ambubuyun, da anaydayaw atta sinan-apudyus ya da losane tuliyan. Asida umoy inggaw atte igaw ni gumilgillayabe apuy ḵan sulfur. Sana ḵumagwae ḵatoy.”

Romans 11:8

Ḵaḵnat ḵanan ni Ugud Apudyus, “Innatod Apudyus ḵan dida naliwonge somsomoḵ ḵad da atada adidapun maḵaila ya da ingada adidapun maḵadongoḻ inggana sinsadi.”

Romans 3:11

Naippun ossaan aḵ maḵaawat si ḵatuttuwaan ḵan ippun ossaan aḵ maḻyad angigammu ḵan Apudyus.