Romans 2:27 - Sa Ugud Apudyus

²⁷ Ḵad taḵon ay adidapun nasogyatan nu tuttuwaonda lintog, dida angoddong atte madusaan da Judyu te taḵon ay nasogyatanda ya awad de nigili ye lintog ḵan dida, nilisalisda.

Romans 2:27 Referans Kwoze

2 Corinthians 3:6

we siya nangitod atte ḵabooḻanni ye angituttudu si mipanggob atte Baru we Tuḻag Apudyus atta tagu. Ḵad sa sadi ye Baru we Tuḻagna, daḵampun aḵ mibatay si nigili ye lintog nu adi mibatay si ḵewaaḻ ni Ispiritu Santu. Sa ambanagan ni nigili ye lintog, ḵatoy aḵ inggainggana. Yaḵon sa Ispiritu Santu angitod si biyag aḵ inggana.

Romans 8:4

Ḵatti ḵingwan Apudyus ta maḵwae tuttuwaon taḵu we ustu da bilin atte lintog. Pagatupan taḵu we angunud atte pinion ni Ispiritu Santu we daḵampun atte pinion taḵu.

Romans 2:29

Te sa tuttuwae Judyu, sa tagu we binaliwan Apudyus. Daḵampun si nasogyatana yaḵon sa nabaliwan ni ḵinatataguna. Yaḵon daḵampun si nigili ye lintog namaliw ḵan siya yaḵon sa ḵewaaḻ ni Ispiritu Santu. Daḵampun aḵ tagu angidayaw ḵan siya yaḵon aḵ Apudyus.

Hebrews 11:3

Gapu si pammati, maawatan taḵu we naḵwa lubung mipagapu si Ugud Apudyus, ta da maila naḻpuda si adipun maila.

Galatians 5:14

Te da losane bilin atte lintog, namungimung atte annae ossaane biline ḵanana, “Ḵasapuḻane ayatom da asintatagume isun ni an-aayatnu si long-agnu.”

Romans 13:10

Te nu ayaton taḵu da asintatagu taḵu, adipun maḵwae ḵoon taḵu lawweng ḵan dida. Pun sa angay-ayatan taḵu'tta asintatagu taḵu, sadi bos anuttuwaan taḵu'tte lintog.

Romans 2:20

Ḵad ḵananyu bose diḵayu ḵallabbong anuttudu'tta dong-og ḵan anuttudu'tta inaabbeng da somsomoḵda gapu'tte lintoge annat ḵan diḵayu we angigammuwanyu si ustu ḵan ḵatuttuwaan.

Acts 13:22

Ḵinaan ḵad Apudyus aḵ Saul, dinutuḵana'ḵ Ari David aḵ nan-ari ḵan dida. Tinaḵdoḻana mipanggob ḵan siyae ḵanana, ‘Aḵ Ari David we abeng Jesse, siya tuttuwae ay-ayatoḵ te ḵoona da losane pioḵ.’

Matthew 3:15

Yaḵon ḵanan Jesus we summongbat, “Ḵoom sinsadi te ustu nu ḵoon taḵu anna ta ituttuwa taḵu da losane pinion Apudyus.” Pun binonyagan John.

Romans 2:15

Ḵad sa angwaanda'tta ustu, sadi angipailae nigili lintog atta pusuda. Ḵad taḵdoḻan ni somsomoḵdae tuttuwa sana te nu ḵoonda ambaḻu, igammun ni somsomoḵdae ambaḻu. Ḵad nu ḵoonda lawweng, igammun os ni somsomoḵdae lawweng.

Romans 2:25

Ditaḵu we Judyu, ampatog nasogyatan taḵu ta mipailae ditaḵu tagun Apudyus. Yaḵon nu adi taḵu tuttuwaon lintogna ya lisalison taḵu, naippun anun ni nasogyatan taḵu ḵad isu taḵu da adipun nasogyatan.

Romans 2:26

Pun taḵon ay da Gentil we adipun nasogyatan nu tuttuwaonda tuttudun Apudyus, ibelang Apudyus dida'ḵ isun da tagunae nasogyatan.

Romans 3:30

Ossaan Apudyus da Judyu ḵan Gentil ya abus mipagapu'tta pammatida ḵan Jesu Kristu aḵ maun-unanda.

1 Corinthians 7:19

Te daḵampun aḵ ampatog ḵan Apudyus nu nasogyatan tagu baḵon nu adipun. Yaḵon siya ampatog anututtuwaan taḵu'tta bilinna.

Ephesians 2:11

Pun diḵayu we niyanaḵe Gentil, sosomḵonyu oḵyane sa awe, potogon da Judyu diḵayu te adiyupun inunud ugalida mipanggob si sogyat. Isḵaḻdae dida da tagun Apudyus gapu'tte sanae ugali mipanggob si sogyat. Yaḵon sa ḵatuttuwaan, sa sogyat abuse ḵoon da tagu'tta long-agda.

2 Timothy 3:15

Sosomkome inggan ni ḵaban-ognu, inigammum da nigili ye Ugud Apudyus we siya nituttudu ḵan siḵa mipanggob si mataguwan gapu si pammatim ḵan Jesu Kristu.