Romans 2:26 - Sa Ugud Apudyus

²⁶ Pun taḵon ay da Gentil we adipun nasogyatan nu tuttuwaonda tuttudun Apudyus, ibelang Apudyus dida'ḵ isun da tagunae nasogyatan.

Romans 2:26 Referans Kwoze

Colossians 2:11

Ḵad gapu'tte niyossaananyu ḵan siya, isunan nasogyatan ḵayu. Daḵampun atte sogyate ḵingwan di tagu yaḵon sa sogyate ḵingwan Kristu, isunan sinogyatan diḵayu si nangaanana'tta ugaliyu.

Romans 8:4

Ḵatti ḵingwan Apudyus ta maḵwae tuttuwaon taḵu we ustu da bilin atte lintog. Pagatupan taḵu we angunud atte pinion ni Ispiritu Santu we daḵampun atte pinion taḵu.

Philippians 3:3

Yaḵon sa ḵatuttuwaan ditaḵu ibelang Apudyus aḵ tuttuwae taguna daḵampun ḵan dida te ditaḵu ḵad dayawon taḵu'ḵ Apudyus si ḵabooḻan ni Ispirituna. Allaylayad taḵu bos gapu'tte taḻgod taḵu ḵan Jesu Kristu. Ḵad adi taḵu bos antaḻgod atta ngaimane ḵoḵoḵḵon taḵu'tte long-ag taḵu we anagu ḵan ditaḵu.

Ephesians 2:11

Pun diḵayu we niyanaḵe Gentil, sosomḵonyu oḵyane sa awe, potogon da Judyu diḵayu te adiyupun inunud ugalida mipanggob si sogyat. Isḵaḻdae dida da tagun Apudyus gapu'tte sanae ugali mipanggob si sogyat. Yaḵon sa ḵatuttuwaan, sa sogyat abuse ḵoon da tagu'tta long-agda.

Romans 3:30

Ossaan Apudyus da Judyu ḵan Gentil ya abus mipagapu'tta pammatida ḵan Jesu Kristu aḵ maun-unanda.

Matthew 15:28

Ḵanan Jesus, “Bubai, ampigsa pammatim! Ḵad gapu'tte sadi, maatod de ḵindawnu.” Pun sa nangibag-ana, daguse lummawa aḻan si abengnae babaḻasang.

Romans 2:25

Ditaḵu we Judyu, ampatog nasogyatan taḵu ta mipailae ditaḵu tagun Apudyus. Yaḵon nu adi taḵu tuttuwaon lintogna ya lisalison taḵu, naippun anun ni nasogyatan taḵu ḵad isu taḵu da adipun nasogyatan.

Romans 2:27

Ḵad taḵon ay adidapun nasogyatan nu tuttuwaonda lintog, dida angoddong atte madusaan da Judyu te taḵon ay nasogyatanda ya awad de nigili ye lintog ḵan dida, nilisalisda.

Galatians 6:15

Ippun nansabaliyan ni nampasogyat baḵon nu adipun, sa ampatog ḵad sa ambalin taḵu'ḵ baru we tagu.