Romans 2:12 - Sa Ugud Apudyus

¹² Te da losane naḵabasuḻ, misinada ḵan Apudyus ya madusada'ḵ inggana. Da Gentil ḵad adidapun inigammu Lintog Apudyus, pun adimpun Apudyus ibatay si lintog nu ḵuwisona dida mipagapu'tta basuḻda. Yaḵon da Judyu, igammuda sanae lintog, pun siya ambatayan Apudyus we anguwis ḵan dida.

Romans 2:12 Referans Kwoze

1 Corinthians 9:21

Isun ni antuttuduwaḵ atta Gentil we adidapun unudon lintog da Judyu, ambalinaḵ aḵ dogada ta adu da maawisḵu ḵan dida. Yaḵon daḵampun aḵ ḵanaḵe adiḵ tuttuwaon Lintog Apudyus te sissiyae unudoḵ da lintog Kristu.

Galatians 3:10

Yaḵon losan atta antaḻgod si anuttuwaanda'tte lintog ta mibelangda'ḵ maun-unan, andagson dusada te awad de Ugud Apudyus we ḵanana, “Ngaimane adi patilayun anuttuwa'tta losane biline nigili si Lintog Apudyus, andagson dusana.”

Romans 8:3

Sa lintog daḵampun aḵ lamogna ditaḵu puḵayan atte ḵabooḻan ni basuḻ te tagu taḵu we abuse aditaḵupun lamog tuttuwaon da imbilin ni lintog. Yaḵon ḵingwan Apudyus adimpun ni lintog lamog ḵoon. Imbuunna abengnae isun da tagu we ḵabasbassuḻan ta maḵoddongan aḵ madusa para'tta basuḻ taḵu. Ḵad sadi inon Apudyus we nangaan atte ḵabooḻan ni basuḻe anturay atta tagu.

Romans 1:32

Taḵon ay nu igammuda tuttudun Apudyus we labbongdae madusa'ḵ inggana da tagu we angwa'tta ḵatti, sissiyae ḵoonda. Daḵampun aḵ abus ḵoonda nu adi ayunanda bos da udume angwa'tta ḵaḵnat.

Matthew 11:24

Yaḵon ibagaḵ ḵan diḵayu we nu dumatong anḵuwisan Apudyus atta losane tagu, nadagdagson dusayu nu da iSodom.”

James 2:10

Taḵon ay nu inunudyu da udume lintog ya nilisalisyu ossaan, sissiyae nilisalisyu da losane lintog.

Romans 4:15

Te sa lintog ambanag si sumang-an Apudyus ḵan ditaḵu te aditaḵupun lamog tuttuwaon. Yaḵon nu naippun lintog naippun malisalis.

Matthew 11:22

Yaḵon ibagaḵ ḵan diḵayu, nu dumatong anguwisan Apudyus atta losane tagu, nadagdagson dusayu nu sa dusan da iTyre ya iSidon.

Galatians 3:22

Yaḵon adidapun maḵaḵwa te sa ḵanan ni Ugud Apudyus, losane tagu patilayune bumasubasuḻ ya adipun maḵwae mapuḵayandae angwa'ḵ basuḻ atte ḵuwadae ḵabooḻan. Implanun Apudyus sadi ta sa inkarinae mibatay si pammatin ni tagu ḵan Jesu Kristu, abus aḵ maittana da amati.

John 19:11

Ḵanan Jesus, “Naippun ḵabooḻam ḵan saḵon nu adin Apudyus innatod ḵan siḵa. Pun da nangipuḻang ḵan saḵon ḵan siḵa nadagdagson da basuḻda.”

Acts 2:23

Aḵ Jesus, gagangaye simsimmoḵ Apudyus we ipuḻangna ḵan diḵayu te siya inḵoddongna si awe. Ḵad diḵayu, impaipattoḻyu'tte kros ya impagongatyu'tta tagu.