Romans 2:11 - Sa Ugud Apudyus

¹¹ Te aḵ Apudyus ḵad ippun laḵsigona nu anḵuwis.

Romans 2:11 Referans Kwoze

Acts 10:34

Pun insaḻad Peter we nan-ugud woḵ ḵanana, “Tuttuwae maawataḵe aḵ Apudyus ippun laḵlaḵsigona'ḵ tagu,

Galatians 2:6

Yaḵon da sadi ye niyiyap aḵ papangat, ippun ḵanana ḵan saḵon nu ngai ḵasasaadda te an-iisuwon Apudyus da tagu, ippun paat intuḻ-ayda si intuttuduḵ.

Colossians 3:25

Ngaimane angwa'ḵ lawweng, subalitan Apudyus si ustu we ḵadusaana te naippun tagu'ḵ laḵsigon Apudyus nu anḵuwis.

Ephesians 6:9

Ḵan diḵayu bose ap-apuwonda, ḵasapuḻan ose ambaḻu ḵayu'tta musassuyu. Adiyu ḵoḻḵogon dida te igammuyu we sa antotollong Apuyu ad langit, an-iisu ḵayu'tta musassuyu ḵad ippun laḵsigona'ḵ tagu.

Matthew 22:16

Pun imbuunda da udume disipuludae Pharisee ya da nidoga si grupun Ari Herod ta umoyda ḵan Jesus. Indasanda ḵad, ḵananda, “Mistulu, igammuni ye losane ibagam tuttuwa ya igammuni bose ippun laḵlaḵsigom aḵ tagu te daḵampun aḵ siya itollongnu saad ni tagu yaḵon siya ituttudum ḵatuttuwaane mipanggob si pinion Apudyus we ḵoon da tagu.

Luke 20:21

Pun ḵananda ḵan Jesus, “Mistulu, igammuni ye tuttuwa losan da ibagam ya ustu da ituttudum. Ḵad igammuni bose ippun laḵlaḵsigom aḵ tagu te siya ituttudum ḵatuttuwaan mipanggob si pinion Apudyus we ḵoon da tagu.

1 Peter 1:17

Sosomḵonyu anna, aḵ Apudyus we bigbigonyu we Ama, ippun laḵsigona nu anḵuwis. Ḵad ḵuwisona da losane tagu sigun si ḵingwan ni sin-ossaossa. Pun ḵasapuḻane isipogyu ya dayawonyu si sanae mabiyaganyu we isun di ḵaili si annae lubung.

Romans 9:14

Ngai ibaga taḵu nu? Piona ḵad ain ḵanane sa ḵingwan Apudyus daḵampun aḵ ustu? Naid!