Romans 2:1 - Sa Ugud Apudyus

¹ Pun siḵae anguwis si ḵinalaweng da udum, adiḵapun maḵailigsi si madusaam ḵan Apudyus, taḵon ay ngai ḵinatatagum. Te nu ḵuwisom ḵinaḻaweng da udum ya ḵingwam os da isun da ḵoḵoḵḵonda, siya ḵoom madusaam ḵan Apudyus.

Romans 2:1 Referans Kwoze

Luke 6:37

“Adiyu ḵuwison ḵan pabasuḻon da asintataguyu ta adin os Apudyus ḵuwison ḵan pabasuḻon diḵayu. Sa ḵoonyu, pakawanonyu dida ta pakawanon os Apudyus diḵayu.

Romans 2:3

Yaḵon siḵae anguwis si ḵinalaweng da udume tagu yaḵon ḵingwam os da ḵoḵoḵḵonda, maḵailigsiḵa ḵamman si madusaam ḵan Apudyus?

Romans 9:20

Yaḵon ngaiḵa ḵammane sumongbat ḵan Apudyus? Maḵwa ḵammane ḵanan ni nadiwin atte nandiwin, “Ngaipa ḵaḵna nangwam ḵan saḵon?”

James 4:11

Susunudḵu ḵan Kristu, adi ḵayu an-asiamsew. Nu amsewonyu asintataguyu baḵon nu ḵuwisonyu dida, amsewonyu ya ḵuwisonyu lintog. Nu ḵuwisonyu, adiyupun ogon tuttuwaon lintog yaḵon nambalin ḵayu'ḵ ḵuwis.

James 2:20

Siḵae nadongdong-ogane tagu, piome panoḵnoḵane sa pammati ye naippun gunay ippun anuna?

Luke 19:22

Ḵanan ni Ari, ‘Lawwengḵae sammilu! Sa imbagam siya anguwisḵu ḵan siḵa. Iniiggammume sangngaanaḵ ya aḻaḵ daḵampun aḵ nallingtaḵ ya apitoḵ os daḵampun aḵ immuḻaḵ.

1 Corinthians 7:16

Te diḵayu we namati, adiyupun ḵamman igammu nu diḵayu gapun ni anaguwan Apudyus atta asawayu we adipun namati?

Luke 12:14

Yaḵon ḵanan Jesus, “Awad ḵamman ḵaḻabbongaḵ aḵ angilintog ḵan diḵayu we duwa'tta laḵsunyu?”

Romans 2:2

Igammu taḵu we ustu anḵuḵuwis Apudyus atta angwa'tta ḵassadi.

Romans 3:9

Pun un-unnoy taḵu ḵad aine Judyu nu da Gentil? Naid! Inug-uggud taḵu we losane tagu iturayan ni basuḻ, Judyu man baḵon nu Gentil.

Romans 14:22

Ngaimane patiyon ni sin-ossaossa mipanggob si anna, ambaḻu nu abusda ḵan Apudyus aḵ angigammu. Pian tagu we adin ni somsomoḵna ḵuwison long-agnae mismu gapu'tte simsimmoḵnae ustu ḵoona.

1 Corinthians 4:5

Pun adiyu ḵuwison da asintataguyu'tte daampun timpuna. Uwayonyu ustu we timpu we dumaḵngan Apu ta siya anḵuwis. Te siya angitoḵwaḻ atta losane mitataḻu ya siya bos angipaigammu si panggob da pusuda. Sanat timpu we asin Apudyus padayawan tagu sigun atta ambaḻu we ḵingwana.