Romans 15:8 - Sa Ugud Apudyus

⁸ Te ibagaḵ ḵan diḵayu we nambalin aḵ Kristu aḵ sammilu we anserbi'tta Judyu ta ipailana ḵinatuttuwaan Apudyus ta mapanoḵnoḵan da inkarina'tta danaḵḵoḻda.

Romans 15:8 Referans Kwoze

Matthew 15:24

Ḵanan Jesus, “Abuse nibuunaḵ ta iyyaḵ bumadang atta ganaḵ Israel we da ummadayu ḵan Apudyus we isun di nataḻaḵe karnero.”

John 1:11

Ummoy si mismu we ilina yaḵon adimpun da ḵailiyana inawat.

2 Corinthians 1:20

Te aḵ Jesu Kristu nituttuwaan da losane inkarin Apudyus. Pun mipagapu ḵan siya, ḵanan taḵu we “Amen” ḵan Apudyus ta madayawana.

John 10:16

Awad da udume karneroḵe naippun atte annae puḵuḵan. Ḵasapuḻane ayagaḵ dida ta dongngonda gingaḵ. Ḵade sadi ambalinda'ḵ ossaane grupu ya ossaan antangḵon.

Romans 15:16

ta anserbiyaḵ ḵan Jesu Kristu si antuttuduwaḵ atta Gentil. Anserbiyaḵe isun di padi atte angiwaḻagawagaḵ si Ambaḻu we Damag we naḻpu ḵan Apudyus ta ambalin da Gentil aḵ datune mas-oman Apudyus te intotoḵḵon ni Ispiritu Santu dida'ḵ taguna.

Romans 3:3

Yaḵon ngai inona nu da udum ḵan ditaḵu adidapun mataḻgodan atta ibagada? Piona ḵad ain ḵanane adipun aḵ Apudyus mataḻgodan atta inkarina?

Ephesians 2:12

Sosomḵonyu we sa awe, nisisina ḵayu ḵan Kristu. Nanaḻsin ḵayu'tta ganaḵ Israel we pinilin Apudyus aḵ taguna. Adiḵayupun os nidoga si intuḻag Apudyus we inkarina'tta tagunae awad de umali ye anagu ḵan dida ya diḵayu we tagu we adipun amati ippun namnamayu ḵan ippun Apudyusyu.

Romans 11:30

Diḵayu we Gentil, adiyupun aḵ Apudyus tinuttuwa gapu si adiyupun namatiyan atte awe. Yaḵon sinsana, ḵinadaguwana diḵayu gapu'tte adin da Judyu tummuttuwaan.

Romans 11:22

Sadi angil-an taḵu si ḵinabaḻun Apudyus ḵan andudusana. Yaḵon dallu andudusana'tta nan-awid ḵan siya. Yaḵon amod de ḵinabaḻuna ḵan ditaḵu nu pagapagatupan taḵu da pammati taḵu ya adi taḵu an-awidan ḵinabaḻuna. Te nu an-awidan taḵu, sopaḵona ditaḵu.

Romans 4:16

Pun sana gapunae mibatay atte pammati ta sa inkarin Apudyus mibatay si ḵinabaḻuna ya aaddi ye mituttuwa'tta losane mibelang aḵ ganaḵna, daḵampun aḵ abus da Judyu aḵ angigammu'tte lintog yaḵon da losane amati ye isun ni pammatin Abraham. Te siya ama taḵu losan.

Romans 3:26

Sinsadi impailanae naun-unan gapu'tte adinapun nambiyangan da basuḻ da tagu yaḵon imbuunna'ḵ Jesus aḵ matoy ta siya madusa para'tta basuḻ taḵu pun aḵ Apudyus ustu ya siya angwa si maun-unan da awad pammatida ḵan Jesu Kristu.

Acts 13:46

Yaḵon amo tummuḻod da Paul ḵan Barnabas woḵ ḵananda, “Ḵasapuḻane umunae mibaga Ugud Apudyus ḵan diḵayu we Judyu. Yaḵon gapu ta indiyanyu ya ḵinuwisyu long-agyu we ippun labbongyu si biyag aḵ inggana, sinsadi tenanni diḵayu ta inḵani'tta Gentil.

1 Corinthians 15:50

Susunudḵu ḵan Kristu, annaya pioḵ ibaga ḵan diḵayu. Sa long-ag taḵu ḵan daḻa taḵu, adidapun gangganason da laḵsunda si midog-anda si ampangatan Apudyus te da long-ag taḵu madadail, adidapun maḵwae midoga'tte igaw da losane matagu'ḵ inggana.

1 Corinthians 10:29

Sa pioḵ ḵanan, adiyu ḵanon gapu ta lawweng somsomoḵ ni nangibaga yaḵon daḵampun aḵ gapu ta lawweng ḵan diḵayu. Awad da ḵanandae angibaga, “Ngai gapunae maḵuwis wayawayaḵe angan gapu'tte somsomoḵ ni osae tagu?

Matthew 20:28

Siya unudonyu saḵone Abeng Di Tagu te daḵampun aḵ ummaliyaḵ ta anserbi da tagu ḵan saḵon. Yaḵon ummaliyaḵ ta anserbiyaḵ ḵan dida ya ittoḵ biyagḵu ta masubut da adu we tagu'tte madusaanda'tta basuḻda.”

1 Corinthians 10:19

Pioḵ ḵamman ibagae matattagu da sinan-apudyus ya awad ḵamman nansabaliyan da nidatun ḵan dida ya da udume maḵan?

1 Corinthians 1:12

Sa pioḵ ugudon, nansabasabali ibagayu te ḵanan da udum, “Aḵ Paul unudonni,” ḵad ḵanan da udum, “Aḵ Apollos unudonni,” ya ḵanan os da udum, “Aḵ Peter unudonni.” Ḵad ḵanan da udum, “yaḵon diḵani ḵad, aḵ Kristu unudonni.”