Romans 14:3 - Sa Ugud Apudyus

³ Diḵayu we angan atta baḻangnae maḵan, adiyu oḵyan dellawon da angidiyan atta udume maḵan. Ḵad diḵayu bose angidiyan atta udume maḵan, adiyu bos dellawon da angan atta baḻangnae maḵan te inawat Apudyus dida'ḵ taguna.

Romans 14:3 Referans Kwoze

Romans 14:10

Nu aḵ Jesu Kristu Apu taḵu losan, naippun ḵaḻabbongan taḵu we anguwis ya anellaw atta susunud taḵu ḵan Kristu. Adi taḵu ḵoon ḵatti te nu anungus ni aḻgaw, losan taḵu sumangu maḵuwis ḵan Apudyus.

Luke 18:9

Inug-uggud os Jesus ḵan dida annae pani'tta sanae antaḻgoddae naun-unanda ḵan potogonda da asintataguda.

Romans 14:13

Ḵad siya gapunae adi taḵu ogon ḵuwison da udume namati yaḵon ḵasapuḻane pasig taḵu sosomḵone adi taḵu angwa'ḵ ngaimane gapun ni maḵabasuḻan da susunud taḵu ḵan Kristu.

Acts 10:34

Pun insaḻad Peter we nan-ugud woḵ ḵanana, “Tuttuwae maawataḵe aḵ Apudyus ippun laḵlaḵsigona'ḵ tagu,

Romans 14:21

Nabaḻbaḻu nu adi taḵu ḵanon sida baḵon nu uminum si bayas baḵon nu ḵoon da ngaimane siya maḵabasuḻan ni sunud taḵu ḵan Kristu.

Romans 14:15

Nu sa anganan taḵu gapun ni lumawengan ni somsomoḵ ni sunud taḵu ḵan Kristu, daḵampun aḵ ayat impaila taḵu ḵan siya. Sa anganan taḵu adi taḵu iyunude dadailona pammatin ni sunud taḵu te siya inḵatoy Kristu.

Matthew 18:10

Pinagatupan Jesus woḵ ḵanana, “Ilanyu ta adiyu am-amsewon ngaiman atta sanae amati ḵan saḵon ya ibelang da udum aḵ nababa te da anghel we anguguwaḻda ḵan dida, patilayune awadda ḵan Amaḵ ad langit.

Acts 10:44

Sissiya ḵade an-ugud aḵ Peter, ummoy Ispiritu Santu atta losane nandongoḻ atte ugudna.

Matthew 9:14

Pune sadi, ummoy da disipulun John we Ambobonyag ḵan Jesus woḵ ḵananda, “Diḵani ya da Pharisee, allaun ḵani ta alluwaḻu ḵani. Yaḵon da disipulum ḵad, ngaipada adi ḵoon?”

Acts 28:2

Da umili sidi, nisagasagawdae nammangili ḵan diḵani woḵ nan-apuyda ta an-aniduwanni te ummudan ya amod de tungnin.

Romans 11:15

Te gapu si nangidiyanan Apudyus atta Judyu, sadi bos gundaway da udume tagu'tte lubunge mipaḻ-og maḵabuḻbuḻunanda ḵan siya. Ḵad asimbumaḻu nu awaton Apudyus ḵasin didae isuna umuliyan da natoy.

Romans 14:1

Awatonyu tagu we anḵuya pammatina yaḵon adi ḵayu maḵasossongbat ḵan siya mipanggob si ḵasomsomḵana.

Romans 15:7

Pun awatonyu da buḻunyu we isun ni nan-aawat Kristu ḵan diḵayu ta madayawan Apudyus.