Romans 12:14 - Sa Ugud Apudyus

¹⁴ Nu awad amaḵaḻam ḵan diḵayu, adiyu aḻawagan dida yaḵon iluwaḻuwanyu ta bindisyunan Apudyus dida.

Romans 12:14 Referans Kwoze

1 Peter 3:9

Nu awad angwa ḵan diḵayu'ḵ lawweng, adiyu ibaḻos. Nu awad os an-ugud aḵ lawweng, adiyu songbatan aḵ lawweng yaḵon iluwaḻuyu ḵan Apudyus ta bindisyunana dida. Te pinilin Apudyus diḵayu'ḵ mismu we taguna ta maḵatawid ḵayu si bindisyun.

Matthew 5:44

Yaḵon ibagaḵ ḵan diḵayu we andongoḻ. Pagatupanyu ayaton da ḵabusuḻyu ya pagatupanyu iluwaḻuwan da amaḵaḻam ḵan diḵayu,

1 Thessalonians 5:15

Ilanyu bos ta sa lawweng, adi oḵyan masubbat os atte lawwenge maḵwa. Yaḵon pasig oḵyan ambaḻu da ḵoonyu'tta buḻunyu we namati ya da losane tagu.

Romans 12:21

Ḵad adi ḵayu paḵḵog atte lawweng yaḵon oḻgonyu lawweng si angwaanyu'tta ambaḻu.

Luke 6:28

Pagatupanyu ḵodawon ḵan Apudyus ta bindisyunana da dam-on angaḻawag ḵan diḵayu. Ḵad pagatupanyu bos iluwaḻuwan da dam-on angam-ames ḵan diḵayu.

James 3:10

An-isu we sungad maḻpuwan ni ugude anaydayaw ḵan Apudyus ya angamsew os atta asintatagu taḵu. Susunudḵu ḵan Kristu, daḵampun oḵyan aḵ ḵatti.

Luke 23:34

Pun ḵanan Jesus, “Ama, pakawanom dida te ippun igammuda'tte ḵoonda.” Da suḻdadu ḵad, nambubbunutda woḵ nambisbisaḵanda silupna.

Acts 7:60

Pun nanalluḵu woḵ ḵananae nangiyipḵaw, “Apu, adim oḵyan ipabasuḻ ḵan dida annae ḵingwada ḵan saḵon.” Ginangputna ḵad imbaga sana, natoy.