Romans 11:7 - Sa Ugud Apudyus

⁷ Pun ngai maawatan taḵu nu? Adimpun da ganaḵ Israel indasan da singsingtonda. Yaḵon abus da pinilin Apudyus aḵ naḵaodas te da ḵaaduwan ḵan dida tummungitong da somsomoḵda.

Romans 11:7 Referans Kwoze

2 Corinthians 4:4

Adidapun amati te aḵ Satan we apudyus da tagu si annae lubung si sanae timpu, tatallingdana da somsomoḵda ta adida ilan silawe maḻpu'tte Ambaḻu we Damag mipanggob si ḵinangatun Kristu we ḵais-isun Apudyus.

Romans 9:18

Pun ipailan Apudyus ḵadaguna'tta ngaimane piona ḵadaguwan ya patungitongona bos da somsomoḵ da ngaimane pionae tumungitong.

Romans 11:25

Susunudḵu ḵan Kristu, awad de ḵaḵ-ipaigammun Apudyus we pioḵe maawatanyu ta adi ḵayu ampasindayawe ansomsomoḵe nalaing ḵayu. Tummungitong da somsomoḵ da udume ganaḵ Israel gapu si adidapun amatiyan inggana'ḵ wadawad belang da Gentil we amati.

Romans 11:5

Isuna bose sana, awad da udume buḻunḵu we Judyu we nabun-ane pinilin Apudyus aḵ taguna mipagapu si ḵinabaḻuna.

Ephesians 1:4

Sa daan ni lubung maḵwaan, pinilin Apudyus ditaḵu'ḵ miyossaan ḵan Kristu ta ambaḻu ugali taḵu ya ippun ḵadellawan taḵu si antotollongna. Gapu si ayatna,

2 Corinthians 3:14

Isun di tummungitong da somsomoḵda. Taḵon ay sinsadi nu basaonda lintog Moses atte Dadaane Tuḻag, adidapun maawatan. Te adipun maḵaan anatallingod atta somsomoḵda nu adida amati ḵan Kristu.

Romans 9:23

Te piona ipailae ippun miyisuwan ni ḵinangatuna ya ḵadaguna'tta tagu we pinilina ḵan inggallapuna insagana'ḵ midoga si ḵabaḻuwane antatagu ḵan Apudyus ad langit.

Philippians 1:18

Yaḵon taḵon ay nu ḵatti ḵoonda, ippun ḵanana te lawweng man ḵan ambaḻu panggobda, siya ampatog miwaḻagawag mipanggob ḵan Kristu ḵad sanat allaylaydaḵ. Daḵampun aḵ abus sadi yaḵon pagapagatupaḵe allaylayad,

1 Corinthians 10:19

Pioḵ ḵamman ibagae matattagu da sinan-apudyus ya awad ḵamman nansabaliyan da nidatun ḵan dida ya da udume maḵan?

Romans 10:3

Te adidapun igammu inon Apudyus we angwa'tta tagu'ḵ maun-unan. Pinadasdae mismu unudon lintog si maun-unanda woḵ indiyanda inon Apudyus we angwa'tta tagu'ḵ maun-unan.

Romans 6:15

Ngai ḵad ain pion ni sana ḵanan? Nu matagu taḵu gapu'tte ḵinabaḻun Apudyus we daḵampun si anuttuwaan taḵu'tte lintog, pagatupan taḵu ḵad aine bumasuḻ? Adipun maḵwa!

Romans 3:9

Pun un-unnoy taḵu ḵad aine Judyu nu da Gentil? Naid! Inug-uggud taḵu we losane tagu iturayan ni basuḻ, Judyu man baḵon nu Gentil.

John 12:40

“Ḵinuḻap Apudyus dida ya tummungitong da pusuda ta adida maḵaimatun ḵan maawatan ya ansagungda ḵan saḵon ta pakawanoḵ dida.”

Luke 13:24

“Iggayu ḵabooḻanyu we lumnoḵ atte ansuḻpite lewangan ad langit atte sissiyae anna gundawayyu. Te dumatong timpu we iyonob ni simboḻoy lewangan ya amod da angipadas lumnoḵ yaḵon annaya ibagaḵ ḵan diḵayu we ippun maḵaḻnoḵ. Taḵon ay nu asi ḵayu anḵugḵug ya ḵananyu, ‘Apu, buḵtam ud lewangan ta lumnoḵ ḵani.’ Asina ḵanan, ‘Ippun igammuḵ ḵan diḵayu ya sa naḻpuwanyu.’

1 Peter 1:2

Pinilin Apudyus we Ama diḵayu mibatay si gagangaye inigammuna woḵ intotoḵḵon diḵayu'ḵ taguna ta bumaḻu ugaliyu mipagapu'tte Ispiritu Santu ta tumuttuwa ḵayu gapu si amatiyanyu ḵan Jesu Kristu ya pumoḻḵas ḵayu mipagapu'tte daḻana si natoyana. Awad oḵyan ḵan diḵayu amode ḵinabaḻu ḵan lin-awae maḻpu ḵan Apudyus.

Hebrews 12:17

Inigammuyu we naabus ḵad sadi, piona pagaye tawidon bindisyun amana yaḵon indiyan amana. Te adipun maḵwae pasantan nagagangpute naḵwa, taḵon ay ummibil si piona oḵyan tawidon bindisyun.

Mark 6:52

Te taḵon ay nu innilada inonae namaadu'tte tinapay, adidapun os maawatan mipanggob si ḵabooḻana te tummungitong da pusuda.

Ephesians 4:18

Ḵad sissiyae anggiḵbot da an-aawatda ya naippun ḵan dida biyage itton Apudyus te naippun igammuda ḵan tummungitong da somsomoḵda.