Romans 1:28 - Sa Ugud Apudyus

²⁸ Gapu'tte adidapun namigbigan ḵan Apudyus, iwwaḻangna dida ta iturayan da lawwenge somsomoḵda dida ta ḵoonda da baḻangnae daḵampun oḵyan aḵ maḵwa.

Romans 1:28 Referans Kwoze

Romans 1:21

Te taḵon ay nu iniiggammudae awad aḵ Apudyus, adidapun andayaw ya adidapun os anggappiya ḵan siya. Yaḵon nambalin ippun anun da ansosomsomoḵda ya gummiḵbot somsomoḵda.

Titus 1:16

Ibagadae igammuda'ḵ Apudyus yaḵon da ḵoḵoḵḵonda, ipailadae adidapun igammu. Sasangngaan da udum dida, adidapun pulus tuttuwaon gapu si adidapun amatiyan ḵan Apudyus ya ippun paat labbongdae angwa'ḵ ambaḻu.

Romans 1:24

Gapu'tte ḵinadong-ogda, iwwaḻang Apudyus dida ta ḵoonda da ngaimane lawweng ya ḵaissawe pipionda ya da ḵababbaine maḵwa'tta long-agda.

2 Timothy 3:8

Da sanae angallelaw atta bubai, sullagiyonda ḵatuttuwaane mipanggob ḵan Apudyus. Isun ni ḵingwan da Jannes ḵan Jambres atte awe ye sinullagida'ḵ Moses. Lawweng somsomoḵ da sanae tagu ya daḵampun aḵ tuttuwa pammatida.

2 Thessalonians 1:8

Ḵad dusaona'tte apuy ta bumaḻos atta adipun angigammu ḵan Apudyus ya da adipun tumuttuwa gapu si adidapun amatiyan atte Ambaḻu we Damag mipanggob ḵan Jesus we Apu taḵu.

1 Corinthians 15:34

Pabaḻuwonyu ḵappos da somsomoḵyu ta iwaḻangyu we bumasuḻ. Te awad da udum ḵan diḵayu we ippun igammuda ḵan Apudyus. Ibagaḵ anna ta mabainan ḵayu.

Romans 1:18

Te aḵ Apudyus ad langit, impaigammuna sangana'tta adipun andayaw ḵan siya ya da angwa'ḵ lawweng. Te sa ḵinalawengda anupod si mipaigammuwan ni ḵatuttuwaan.

Ephesians 5:4

Adipun os mibagay ḵan diḵayu ḵaissaw an-uugudyu ya dinodong-og an-uugudyu we ippun anuna yaḵon siya oḵyan ḵoonyu anggappiya ḵayu ḵan Apudyus.

Romans 1:26

Sana gapunae iwwaḻang Apudyus dida ta ḵoonda da ḵababbaine pion da long-agda. Te da udume bubai itanungda adaḻugon da asimbubaidae daḵampun oḵyan aḵ maḵwa.

2 Peter 3:5

Sadi ibagabagan da umang-angyag yaḵon gagaḻ-onda maliwatane sa awe, ḵingwan Apudyus langit ya sa luta mipagapu si ugudna woḵ danum inusarnae nangwa si lubung woḵ nallotaw lutae naḻpu si danum.

Philemon 1:8

Pune sadi gapu ta ansunudta ḵan Kristu, anna ḵaḻabbongaḵe amilin ḵan diḵayu we angwa'tta ustu we ḵoonyu. Yaḵon adiḵpun ḵoon ḵaḵnat.

2 Corinthians 10:5

Dadailonni da gapun ni ansosongbatan da ngaimane ampasindayawe anupod atte angigammuwan da tagu si mipanggob ḵan Apudyus. Ḵad pasantanni da losane somsomoḵ ta tuttuwaonda'ḵ Kristu.

Acts 17:32

Dingngoḻda ḵad imbagan Paul mipanggob atte umuliyan da natoy, inang-angyag da udum yaḵon da udum ḵananda, “Pionni ye dongngon ḵasin mipanggob si sana.”

Acts 17:23

te nanggaḵayaḵ ḵad atte siyudad, innilaḵ da lugar we andaydayawanyu'tta adu we sinan-apudyus. Indasaḵ os altar we nagiliyan atte ḵaḵnae ugude ḵanana, ‘Para si apudyus we ippun angigammu.’ Sa sanate daydayawonyu we taḵon ay ippun igammuyu, siya sanae ipaigammuḵ ḵan diḵayu.