Romans 1:16 - Sa Ugud Apudyus

¹⁶ Adiḵpun ibaine angiwaḻagawag atte Ambaḻu we Damag te siya Ugud Apudyus we maḵabooḻ anagu'tta losane amati, umuna'tta Judyu ya asiyot da Gentil.

Romans 1:16 Referans Kwoze

Mark 8:38

Ngaimane angibain ḵan saḵone Abeng Di Tagu ya da tuttuduḵ si sanae ḵabasbassuḻane lunap, ibainḵu bos dida nu mipauliyaḵ ad luta. Te nu mipauliyaḵ buḻunanaḵ atta nasantuwane anghel ya ipailaḵ dayaw Amaḵ.”

2 Timothy 1:8

Pun adiḵa mabaine angipanoḵnoḵ si mipanggob ḵan Apu. Adiḵa bos mabain gapu ḵan saḵone nibaḻud gapu'tte nanserbiyaḵ ḵan siya yaḵon anusam attoman ampaḵaḻamam gapu si angiwaḻagawagan taḵu'tte Ambaḻu we Damag. Attomam te papigsaon Apudyus siḵa.

1 Peter 4:16

Yaḵon nu ampaḵaḻam ḵayu gapu ta Kristianu ḵayu, adi ḵayu mabain yaḵon dayawonyu'ḵ Apudyus te nibelang ḵayu we tagun Kristu.

2 Timothy 1:12

ḵad sadi gapun ni ampaḵapaḵaḻamaḵ. Yaḵon adiyaḵpun mabain te igammuḵ pinatiḵe awad de ḵabooḻanae angayyuwan atta intaḻgodna ḵan saḵon inggana'ḵ dumatong aḻgawe ḵasin umali'ḵ Kristu.

Luke 9:26

Ngaimane angibain ḵan saḵone Abeng Di Tagu ya da tuttuduḵ, ibainḵu bos dida nu mipauliyaḵ ad luta. Atte sadi ye timpu nu mipauliyaḵ, midayaw aḵ Amaḵ, da anghelna ya saḵon.

2 Corinthians 4:4

Adidapun amati te aḵ Satan we apudyus da tagu si annae lubung si sanae timpu, tatallingdana da somsomoḵda ta adida ilan silawe maḻpu'tte Ambaḻu we Damag mipanggob si ḵinangatun Kristu we ḵais-isun Apudyus.

1 Corinthians 2:4

Ḵad sa nantuttuduwaḵ ḵan nangiwaḻagawagaḵ ḵan diḵayu, adiḵpun inusar maḵaawise ugud ta mipaila ḵinalaing di tagu yaḵon mipaila ḵabooḻan ni Ispiritu Santu.

1 Corinthians 2:2

Te simsimmoḵḵu we sa inninggawaḵ ḵan diḵayu, naippun udum aḵ intuttuduḵ yaḵon abus mipanggob ḵan Jesu Kristu ya sa nipattoḻana'tte kros.

Romans 10:17

Pun adipun maḵwae amati da tagu nu adidapun umunae andongoḻ. Ḵad ḵasapuḻane dongngonda Ambaḻu we Damag mipanggob ḵan Kristu.

Hebrews 4:12

Te sa Ugud Apudyus matattagu te maḵabooḻe awad da ambanaganda. Natadtadom nu sa ispadae nansupang ngaḻabnae lamogna sillauton da um-um ya da utoḵ te sa Ugud Apudyus lonḵona daḻome ḵamangay da tagu taḵon ay da ḵalidodwada ya da ispirituda ḵad lamogna bos usigon somsomoḵ da tagu ya imatunana da migagaḻae somsomoḵ.

1 Corinthians 15:2

Ḵad sadi bos damage mataguwanyu nu popotpotanyu da pammatiyu nu tuttuwae mibatay pammatiyu si intuttuduḵ ḵan diḵayu.

Galatians 1:7

Sa ḵatuttuwaan, ippun udum aḵ Ambaḻu we Damag yaḵon ibagaḵ anna te awad da udume angulu'tta somsomoḵyu ya padpadasonda baliḵtadon Ambaḻu we Damag mipanggob ḵan Kristu.

Romans 2:9

Ḵad da losane tagu we angwa'ḵ lawweng, amod de ampaḵaḻamanda, umuna'tta Judyu isuna bos atta Gentil.

Acts 3:26

Pun ditaḵu we Judyu ummunae pinilin Apudyus ya imbuunna'ḵ Jesus we anserbi ḵan siya ta bindisyunana ditaḵu ta lamog taḵu agaye angwa'tta ḵoḵoḵḵon.”

1 Thessalonians 2:13

Susunudḵu ḵan Kristu, pasig ḵani anggappiya ḵan Apudyus te dingngoḻyu ḵad ugudnae imbagani, namati ḵayu we daḵampun aḵ naḻpu'tta tagu yaḵon tuttuwae naḻpu ḵan Apudyus. Ḵad sa Ugud Apudyus, siya anḵewaaḻ atta biyagyu we namati.

1 Timothy 1:11

Sa ḵatuttuwaane intuttuduḵ, mibatay si Ambaḻu we Damag we intaḻgod ni ḵangatuwan ḵan madaydayawe Apudyus ḵan saḵon.

2 Corinthians 9:13

Pun gapu'tte sadi ye ḵoonyu we angitod, ipanoḵnoḵna ḵatuttuwaan ni pammatiyu ya paaduwonyu da tagu we angidayaw ḵan Apudyus gapu ta mailadae uunnudonyu Ambaḻu we Damag si mipanggob ḵan Kristu we ibagayu we patiyonyu. Ḵad tuttuwae anggappiyada ḵan Apudyus gapu si laayyu we angitod si ḵasapuḻan da losane namati.

2 Corinthians 2:12

Dummatongaḵ ḵad ad Troas we umoy angiwaḻagawag si Ambaḻu we Damag mipanggob ḵan Kristu, innatod Apu gundawayḵu we angiwaḻagawag sidi.

1 Corinthians 9:18

Pun nu ḵatti, ngai gungunaḵ nu? Annayae abus: Naippun udum nu adi sa layadḵu we angiwaḻagawag si Ambaḻu we Damag we ippun tangdanḵu taḵon ay awad de ḵaḻabbongaḵe pataḻ-un ḵan dida.

1 Corinthians 9:12

Pun nu awad ḵaḻabbongan da udume ampabadang ḵan diḵayu, amo sindumallu ḵan diḵani? Yaḵon taḵon ay nu awad ḵaḻabbonganni ye ampabadang ḵan diḵayu, adinipun ipatut te inan-anusanni taḵon ay ngai ampaḵaḻamanni ta ippun matupodan ni Ambaḻu we Damag si mipanggob ḵan Kristu.

Romans 15:29

Igammuḵe nu umaliyaḵ sinat, umaliyaḵe ummamdan bindisyune maḻpu ḵan Kristu.

Romans 15:19

gapu'tta nakaskasdaawe sinyal ya da miraculu ya mipagapu si ḵabooḻan ni Ispiritu Santu. Misaḻad ad Jerusalem inggana'd Illyricum iwwaḻagawagḵu Ambaḻu we Damag mipanggob ḵan Kristu.

2 Timothy 1:16

Ḵadaguwan oḵyan Apudyus da Onesiphorus we simbaḻyan te nangampigae sinoḻgagna saḵon. Taḵon ay nibaḻudaḵ sinsadi, adipun mabaine namisita ḵan saḵon.

Romans 4:11

Pun nasogyatan aḵ Abraham ta angipanoḵnoḵe imbelang Apudyus aḵ naun-unan gapu si pammatina si daannapun masogyatan. Pun nambalinon Apudyus aḵ aman da losane namati taḵon ay nu adidapun nasogyatan, mibelangda'ḵ naun-unan.

John 7:35

Ḵanan da Judyu we nan-asiimus, “Dinu ayanae aditaḵupun maḵaodas ḵan siya? Umoy ḵamman nin atta adayu we ilin da Gentil we igaw da naas-asipaḻaḵe Judyu ya antuttudu'tta Gentil?