Romans 1:14 - Sa Ugud Apudyus

¹⁴ Ḵasapuḻane iwaḻagawagḵu Ambaḻu we Damag atta losane tagu, da naadaḻan baḵon nu da ippun adaḻda, da nalaing ya da nadong-og.

Romans 1:14 Referans Kwoze

Colossians 3:11

Gapu'tta sanae ḵingwan Apudyus, an-iisuwona da losan si antotollongna, Judyu man baḵon nu da Gentil, da naadaḻan ya da adipun naadaḻan, ḵaḵḵaili ya da maaḻmot, musassu ya daḵampun aḵ musassu te aḵ Kristu ḵapatogan atta losan ya awad os atta losane namati.

Acts 9:15

Yaḵon ḵanan Apu ḵan siya, “Inḵa te siya piniliḵe anserbi ḵan saḵon ta umoyna ipaigammu mipanggob ḵan saḵon atta Gentil, da ari ya diḵayu we ganaḵ Israel.

Acts 22:21

“Pun ḵanana ḵan saḵon, ‘Inḵan ta ibuunḵu siḵa'tte adayu we igaw da Gentil.’ ”

Romans 12:16

Ḵasapuḻane antitimpuyug ḵayu ya adi ḵayu ampasindayaw yaḵon maḵabuḻbuḻun ḵayu'tta ḵapus. Ḵad adiyu isḵaḻe igammuyu da losan.

2 Corinthians 11:19

Ḵad gapu ta nalalaing ḵayu, inan-anusanyu da ḵoḵoḵḵon da anḵadong-og.

Romans 16:19

Allaylayadaḵ gapu ḵan diḵayu te nan-asidongoḻ atta ḵinailin di ili tummuttuwaanyu gapu si namatiyanyu. Ḵad pioḵ ose lumaing ḵayu mipanggob si ambaḻu yaḵon ippun oḵyan igammuyu si mipanggob atta lawweng.

Romans 13:8

Bayadan taḵu da utang taḵu. Ḵad an-asiayat taḵu. Te sa angayat si asintataguna, tinuttuwana da Lintog Apudyus.

Romans 8:12

Pun susunudḵu ḵan Kristu, awad de ḵasapuḻane tuttuwaon taḵu yaḵon daḵampun atta gagangaye pipion da long-ag taḵu.

Romans 1:22

Ḵanandae nalaingda yaḵon nambalinda'ḵ dong-og.

Titus 3:3

Te taḵon ay ditaḵu we namati, nandongdong-og taḵu si awe ḵad aditaḵupun os tummuttuwa. Gattoḵe naallelaw taḵu ḵan nipuyut taḵu'tta daḵampun aḵ ustu ya nambalin taḵu'ḵ musassu'tta nansabasabali ye amaamayon da long-ag taḵu ya da ginangganas taḵu. Losane aḻgaw taḵu lawweng ḵasomsomḵan taḵu'tta buḻun taḵu, an-aḵ-apos taḵu, lalawwengon ditaḵu ya an-sassanga taḵu.

2 Timothy 2:10

Pun attomaḵ da losane ampaḵaḻamaḵ gapu'tta pinilin Apudyus we tagu ta mataguda gapu'tte niyossaananda ḵan Jesu Kristu ya midogada si ḵabaḻuwane antatagu ḵan Apudyus ad langite ippun anungusna.

2 Corinthians 10:12

Adiḵanipun antuḻode angiyisu'tte long-agni'tta tagu sinate angiyisḵaḻ atta mismu we long-agda. Yaḵon adidapun maḵimute angiyisu'tta long-agda ḵad ḵanandae sa ambaḻu, siya ḵoonda. Pun anḵadong-ogda, didae mismu angiyis-isu'tta long-agda, dida bose mismu anguwis atta long-agda.

1 Corinthians 14:16

Ḵad nu alluwaḻu ḵan anggappiya somsomoḵḵu ḵan Apudyus we adipun maawatan, ngai inon da udume sumongbat atte “Amen” nu adida maawatan ugudoḵ?

1 Corinthians 14:11

Yaḵon nu adiḵpun lamog maawatan ugudon ni ḵaug-uggudḵu, ibelangḵu we ḵaili ya ibelangna bos saḵon aḵ ḵaili.

1 Corinthians 3:18

Ilanyu ta adiyu allelawon da long-agyu. Nu awad ḵananae nalaing si sanae timpu we nibatay atte ḵinalaing da adipun amati, ambalin oḵyan aḵ dong-og ta ambalin aḵ tuttuwae nalaing.

1 Corinthians 2:13

Pun sa angituttuduwanni daḵampun aḵ somsomoḵ baḵon nu ḵinalaing di tagu naḻpuwana yaḵon sa intuttudun ni Ispiritu Santu ḵan diḵani. Ḵad ipaḵaawatni da naispirituwane ḵatuttuwaan atta tagunae inggawan ni Ispirituna.

Romans 11:25

Susunudḵu ḵan Kristu, awad de ḵaḵ-ipaigammun Apudyus we pioḵe maawatanyu ta adi ḵayu ampasindayawe ansomsomoḵe nalaing ḵayu. Tummungitong da somsomoḵ da udume ganaḵ Israel gapu si adidapun amatiyan inggana'ḵ wadawad belang da Gentil we amati.

Acts 28:4

Innilan ḵad ay da umili uḻoge antatayyun si iman Paul, ḵananda'tta udum, “Ippun liyodnae pumappatoy sanate tagu, taḵon ay nu naḵalasat atte baybay, adimpun ni anusa'tta tagu iyunude matagu.”

Acts 28:2

Da umili sidi, nisagasagawdae nammangili ḵan diḵani woḵ nan-apuyda ta an-aniduwanni te ummudan ya amod de tungnin.

Luke 10:21

Sa nangibag-ana'tte sadi, pinalayad ni Ispiritu Santu aḵ Jesus woḵ ḵananae nalluwaḻu, “Ama, ipangatam da losan sina'd luta ya ad langit. Anggappiyaaḵ ḵan siḵa te adimpun impaigammu ḵatuttuwaan atta nalalaing ḵan naadaḻane tagu, siya nangipaigammuwam da napakumbaba ya da antaḻgode isudan abeng. On, ḵingwam ḵaḵna te siya piom.”

Matthew 11:25

Sa sadi ye timpu, ḵanan Jesus we nalluwaḻu, “Ama, ipangatam da losan sina'd luta ya ad langit. Anggappiyaaḵ ḵan siḵa te adimpun impaigammu ḵatuttuwaan atta nalalaing ḵan naadaḻane tagu, siya nangipaigammuwam da napakumbaba ya da antaḻgode isudan abeng.