Romans 1:10 - Sa Ugud Apudyus

¹⁰ Ḵad iluwaḻuḵ ḵan Apudyus we nu piona, awad wayaḵe umali ḵan diḵayu te nabayage ippun wayaḵ.

Romans 1:10 Referans Kwoze

Acts 18:21

Yaḵon anna ḵade umoyon ḵanana, “Mipauliyaḵ ḵan diḵayu nu pinion Apudyus.” Pun nambapur we ḵesan ad Ephesus.

James 4:15

Pun ḵananyu oḵyane, “Nu siya pion Apu, matagu ḵani ya ḵaḵna ḵan ḵatti da ḵoonni.”

Philemon 1:22

Awad os osae ibagaḵ nu maḵwa, angisaganaḵa'ḵ kuwartu'ḵ inggawaḵ. Te namnamaoḵe songbatan Apudyus da luwaḻuyu ta mapuḵayanaḵ ḵad angulinaḵ ḵan diḵayu.

1 Thessalonians 2:18

Pionni pagay ilan diḵayu. Pun nangampigae pinadasḵu umali yaḵon tinupod Satan umaliyanni sinat.

Hebrews 13:19

Pun ḵodawoḵ ḵan diḵayu ta ipapatiyu we angiluwaḻu ḵan saḵon ta masapaaḵ oḵyan mipauli ḵan diḵayu.

Philippians 4:6

Adi ḵayu ambinsaw yaḵon siya ḵoonyu alluwaḻu ḵayu ḵan Apudyus. Ḵad ḵodawonyu ḵan siya da losane ḵasapuḻanyu ya anggappiya ḵayu bos.

Acts 19:21

Nagangput ḵad sanae naḵwa, simsimmoḵ Paul we angoy si probinsiya'd Macedonia ḵan Achaia ya asiyot umoy ad Jerusalem. Ḵanana, “Nu magangputaḵ umoy sidi, ḵasapuḻane iyyaḵ os ad Rome.”

1 Corinthians 4:19

Nu iyunud oḵyan Apudyus, masapaaḵe umali sinat. Ḵad sadi angil-aḵ atta sanate ansoḵaḻ, nu awad ḵabooḻanda baḵon nu abus sungadda'ḵ an-uguugud.

Acts 21:14

Adiḵanipun ḵad maḵatupod ḵan siya, iyyagayni woḵ ḵananni, “Oḵyan pos nu sa pinion Apudyus mituttuwa.”

Romans 15:29

Igammuḵe nu umaliyaḵ sinat, umaliyaḵe ummamdan bindisyune maḻpu ḵan Kristu.

1 Corinthians 1:1

Susunudḵu ḵan Kristu, saḵon aḵ Paul we napili'ḵ apostol Jesu Kristu we nibatay si pinion Apudyus ya sa buḻunḵu sina aḵ Sosthenes we sunud taḵu ḵan Kristu.