Revelation 9:11 - Sa Ugud Apudyus

¹¹ Sa arida ḵad, sa anghel we simbiyang si abute ippun patinggan ni ḵaadaḻomna. Sa ngadanna'tte Hinebrew, Abaddon ya Apollyon ngadanna'tte Grineek we sa pionda ugudon, Dumaddadail.

Revelation 9:11 Referans Kwoze

Ephesians 2:2

Te siya inunudyu da antatagun da tagu we adipun amati ya tinuttuwayu gapu si namatiyanyu'tte pangat da ispiritu we adipun mailae siya angidaḻan atta tagu we adipun amati.

2 Corinthians 4:4

Adidapun amati te aḵ Satan we apudyus da tagu si annae lubung si sanae timpu, tatallingdana da somsomoḵda ta adida ilan silawe maḻpu'tte Ambaḻu we Damag mipanggob si ḵinangatun Kristu we ḵais-isun Apudyus.

John 16:11

Nankamalida mipanggob atte anḵuwisan Apudyus te da tagu we adipun amati naḵoddonganda'ḵ dusaon Apudyus te nagangpute inḵoddongnae dusaona'ḵ Satan we pangat da adipun amati.

John 14:30

“Adipun ogon andu maḵaug-uggudaḵ ḵan diḵayu te annate umali'ḵ Satan we pangat da adipun amati ḵan saḵon. Naippun ḵabooḻana ḵan saḵon,

John 8:44

Iissuyuḵ amayu we Satan. Ḵad siya pionyu ḵoon da pion ni amayu. Pumappatoy si inggan ni lapuna ḵad ippun ḵoona'ḵ ḵatuttuwaan te naippun ḵatuttuwaan ḵan siya. Nu antultulli, siya ugalina te tuliyan ya maḻpuwan da tuli.

1 John 5:19

Sa ḵumagwa, igammu taḵu we abeng Apudyus ditaḵu taḵon ay nu impangatan Satan da losane tagu we adipun amati.

1 John 4:4

Aabengḵu, diḵayu da abeng Apudyus ya illogyu da sinan profeta te adidapun lamog inallelaw diḵayu. Te sa Ispiritu Santu we awad ḵan diḵayu, amo maḵabooḻ nu aḵ Satan we angipangat atta tagu we adipun namati.

John 12:31

Sinsadi ḵuwison Apudyus da tagu si annae lubung ya sinsadi aḵ Satan we pangat da tagu we adipun amati, maabaḵ.

Revelation 12:9

Ḵad niballu'd luta daḵoḻe dragone nidoga da anghelna. Aḵ Satan sanae nampailae uḻog si awe. Siya nangallelaw atta tagu si intero we lubung.

Luke 8:31

Ḵingwan ḵad da aḻan, nandagdaguda ḵan Jesus ta adina dida ibuun si abute ippun patinggan ni ḵaadaḻomnae madusaanda.

John 5:2

Pun ad Jerusalem atte adani si lewangan da karnero, awad de aammosane ngannonda'tte Hinebrew, Bethzatha. Ḵad sa nampasiigid awad da limae iiddungane