Revelation 8:9 - Sa Ugud Apudyus

⁹ Pun natoy inḵaḵlun da losane matattagu'tte baybay ya nadadail inḵaḵlun da bapur.

Revelation 8:9 Referans Kwoze

Revelation 16:3

Ummoy os ni ḵumagwae anghel intuyaḵ inggaw si maḻuḵungna'tte baybay. Pun sa danum ḵad nambalin daḻae isunan daḻan di natoy woḵ nanḵaḵatoy da losane matattagu we awad si baybay.

Revelation 8:7

Nanangguyub ḵad ummunae anghel, inninggaw daḻaḻu ya sa apuye naḵamsan aḵ daḻae naottag ad luta woḵ nasgob inḵaḵlun ni annae luta, isuna bos atta ḵayu ya da losane lumun.

Revelation 8:12

Nanangguyub ḵad ḵumapate anghel, nadadail inḵaḵlun ni init, sa soḻag ya da bituwon woḵ gummiḵbot inḵaḵlun ni silawda. Pun gummiḵbot inḵaḵlun ni aḻgaw ya sa labi.

Revelation 8:10

Naabus ḵad, nanangguyub ḵumaḵlu we anghel woḵ naottag daḵoḻane bituwone naḻpu'd langite isunan silawe umapuapuy. Pun naottag atte inḵaḵlun da tawwang ya da bubun.

Revelation 9:15

Pun ummoyna inuḵasan dida te dida nisagana si ustuustu we tawon ḵan buḻan, aḻgaw ya orase umoyda pumatoy atte inḵaḵlun da tagu.

Revelation 9:18

Nanḵaḵatoy da inḵaḵlun da tagu gapu'tte sadi ye apuy, asuḵ ya sa sulfur we maḻpu'tta sungadda.

Revelation 12:4

Iwwasiwas ḵad ni dragon ipusna, niballu inḵaḵlun da bituwon ad langit atte luta. Pun tummaḵdog si sinagung ni bubai ye umaannaḵ ta ḵanona abengnae mibuḵnag.