Revelation 7:16 - Sa Ugud Apudyus

¹⁶ Adidapun paat ogon mauḻat baḵon nu mauwaw ya adidapun ogon giḵnaon atung ni init ya da udume an-atung.

Revelation 7:16 Referans Kwoze

John 4:14

Yaḵon sa uminum atte danume ittoḵ, adipun ogon mauwaw. Te ambalin aḵ isunan bubune bumubus si long-agnae angitod si biyag aḵ inggana.”

Revelation 21:4

Punasana da losane luwada ḵad adidapun ogon matoy. Naippun ogon andomdom ya umibil ya naippun ogon ampaḵaḻam te da sanae inggaw si awe, naiddapun ogone sana.”

Matthew 5:6

Pian da tagu we amaamayondae angwa'tta naun-unan te badangan Apudyus didae angwa si piniona.

Luke 6:21

Pian ḵayu we mauuḻat sinsadi, te mamassug ḵayu. Pian ḵayu we umibiibil sinsadi, te lumayad ḵayu.

Luke 1:53

Da ampaḵaḻame tagu, innatodna ambaḻu. Ta awad mapnoḵanda atte mataguwanda. Da tagu ḵade baḵnang, naippun ḵatḵat-opanda. Pinaoyonna dida, nawwakwakkayda lawa.

Matthew 13:6

dummingit ḵad aḵ init naḻ-uyda woḵ naḻanguda te ammamaga luta ya adidapun ḵon lummamut.

James 1:11

Ḵad nu sumellet init, maḻ-uy muḻa ya nayaḵayaḵ tabbaḵna ḵad ippun ogon binaḻuna. Ḵaḵna bos maḵwa'tte baḵnange maḵaḵtooy si angamgamana ḵan analtalliḵunana si binaḵnangna.

Mark 4:17

yaḵon adipun nillumnoḵ atta somsomoḵda. Amatida'ḵ sin-aḵitan ḵad nu dumatong ampaḵaḻamanda baḵon nu mapadasda gapu'tte amatiyanda si Ugud Apudyus, daguse iwaḻangda pammatida ḵan Apudyus.

Mark 4:6

dummingit ḵad ay init naḻ-uyda woḵ naḻanguda te naippun ḵon lamutda.

Matthew 13:21

Yaḵon adipun lummamut atta somsomoḵda. Amatida'ḵ sin-aḵitan, ḵad nu dumatong ampaḵaḻaman baḵon nu mapadasda gapu'tte amatiyanda si Ugud Apudyus, daguse iwaḻangda pammatida ḵan Apudyus.