Revelation 4:1 - Sa Ugud Apudyus

¹ Naabus ḵad, intapḵu we nabuḵtan sawang ad langit. Dingngoḻḵu bos isun ni dingngoḻḵu we isunan gingan di tangguyube ḵanana ḵan saḵon, “Umaliḵa sina'd langit ta ipailaḵ ḵan siḵa da ḵasapuḻane maḵwa si umali ye aḻgaw.”

Revelation 4:1 Referans Kwoze

Revelation 11:12

Maabus ḵad, dongngon da duwae profetan Apudyus andangsoḻe gingae maḻpu'd langite ḵanana ḵan dida, “Umali ḵayu sina.” Pune sadi nipangatuda'tte libuu we umoy ad langit ḵad itotollong da ḵabusuḻda dida.

Revelation 1:19

Pun igilim da losane ipailaḵ ḵan siḵae maḵwa sinsadi ya da maḵwa'tte umali ye aḻgaw.

Revelation 1:10

Yaḵon sa aḻgawe andaydayawan ḵan Apu, isun di impain-inop ni Ispiritu Santu ḵan saḵon woḵ dingngoḻḵu andangsoḻe ginga si odogaḵe isunan bungug di tangguyub.

Mark 1:10

Tummoḵwaḻ ḵad aḵ Jesus si danum, daguse innilana'd langite nabuḵtan ya sa Ispiritu Santu we dumoḻadoḻae isunan kalapati woḵ nansap-oy ḵan siya.

Revelation 22:6

Pun ḵanan ni anghel ḵan saḵon, “Tuttuwa ya mataḻgodan da losane inugudḵu ḵan diḵayu. Te aḵ Apu we Apudyus angidaḻan atte somsomoḵ da profetana. Siya bos nangibuun atte anghelna ta mipaigammu ḵan diḵayu we anserbi ḵan siya da ḵasapuḻane madam-an maḵwa.”

Revelation 16:17

Intuyaḵ os ni ḵumapitu we anghel inggaw si maḻuḵungna'tte bibbid woḵ inggaw andangsoḻe gingae naḻpu'tte trono si templo we ḵanana, “Nagangput!”

Acts 7:56

Pun ḵanana, “Ilanyu ḵad! Ilaḵ ad langite nabuḵtan ya sa Abeng Di Tagu we naḻpu'd langite niyanaḵ sina'd lutae sisiḵad atte madawinan Apudyus.”

John 16:13

Nu umali Ispiritu Santu we angituttudu si ḵatuttuwaan mipanggob ḵan Apudyus, idaḻanna diḵayu ta maawatanyu da losane ḵatuttuwaan te adipun an-ugud atte ḵuwanae ḵaḻabbongan yaḵon ngaimane dongngona siya ugudona. Ḵad ipaigammuna ḵan diḵayu da maḵwa si umali ye aḻgaw.

Luke 3:21

Sa daan John mibaḻudan, sissiyae inninggaw da adu we tagu we binonyagana. Sin-aḻgawan ḵad, binonyagana bos aḵ Jesus. Pune sadi, nalluwaḻu ḵad aḵ Jesus, nabuḵtan ad langit.

Acts 10:11

Innilana'd langite nabuḵtan woḵ inninggaw isun di aḻwae lupute nauyude nataḵodan da opate dugyuna.

Matthew 3:16

Naabus ḵad aḵ Jesus nabonyagan, daguse tummoḵwaḻ si danum woḵ baag-en nabuḵtan ad langit. Pun innilana Ispiritu Santu we dumoḻadoḻae isunan kalapati woḵ nansap-oy ḵan siya.

Revelation 1:12

Pun nantawiliyaḵ ḵad ta ilaḵ nu ngai gumminga, innilaḵ da pitu we buḻawane sasap-aḻan da silaw.

Revelation 11:19

Pun nabuḵatan templon Apudyus ad langit woḵ naila sidi mapatgane ḵasun ni tuḻag. Inninggaw da nanguliyatyate ḵilat ya sa andangsoḻe ḵiduḻ ya da udume aguduud ya sa lunig ya sa ummamdane daḻaḻu.

Revelation 19:11

Pun innilaḵ ad langite nabuḵatan woḵ inninggaw itaḵe ḵabayu. Sa nangabayu ḵad, nangadanan aḵ Mataḻgodan ya Tuttuwa. Ḵad naun-unan anḵuḵuwisna ya naun-unan os inonae maḵagubat atta ḵabusuḻna.