Revelation 3:8 - Sa Ugud Apudyus

⁸ Igammuḵ da ḵooḵoonyu. Igammuḵe aḵit ḵabooḻanyu yaḵon impapatiyu tinuttuwa da imbagaḵ ya adiyupun pinuḵlitan ngadanḵu. Pun inniggaḵ atte sinagungyu isun di sawange mabubuḵḵatan para ḵan diḵayu we naippun maḵaiyonob.

Revelation 3:8 Referans Kwoze

1 Corinthians 16:9

Te taḵon ay adu bos da sumullagi ḵan saḵon, ad-adu wayaḵe antuttudu te adu da maḻyad andongoḻ.

Colossians 4:3

Iluwaḻuwanyu bos diḵani ta itton Apudyus ambaḻu we timpu si angiwaḻagawaganni'tte banage adipun nipaigammu si awe mipanggob ḵan Kristu te sana gapun ni nabaḻudaḵ.

Revelation 3:7

Ḵanana bos, “Annaya isuḻatnu'tte anghel we angayyuwan atta namati ye magimugimung ad Philadelphia, ‘Saḵon abus aḵ gattoḵe nasantuwan ḵan ḵatuttuwaan. Saḵon aangdon si tuḻbiḵ Ari David we piona ḵanan, sa ḵaḻabbongan atte ampangatan Apudyus. Ngaimane iyunudḵu we lumnoḵ atte ampangataḵ, naippun maḵatupod. Ḵad ngaimane adiḵpun iyunud, tuttuwae adipun maḵaḻnoḵ! Annaya ibagaḵ ḵan diḵayu.

2 Corinthians 2:12

Dummatongaḵ ḵad ad Troas we umoy angiwaḻagawag si Ambaḻu we Damag mipanggob ḵan Kristu, innatod Apu gundawayḵu we angiwaḻagawag sidi.

Acts 14:27

Dummatongda ḵad ad Antioch, nandaḵdaḵngonda da losane namati woḵ imbagada da losane ḵingwan Apudyus ḵan dida ya sa inonae nangitod si gundaway da Gentil ta amatida.

Philippians 4:13

Gapu'tte miyossaanaḵ ḵan Kristu we siya amapigsa ḵan saḵon, lamogḵu ḵoon da losan.

Luke 12:9

Ḵad ngaimane amuḵlit ḵan saḵon si sinagung da tagu, puḵlitaḵ os si sinagung da anghel Apudyus.

Revelation 2:13

Igammuḵe sa iliyu, siya ampangatan Satan yaḵon taḵon ay nu ḵatti, adiyupun nan-awidan pammatiyu ḵan saḵon. Igammuḵ os naḵwa ḵan Antipas we mataḻgodane nangitaḵdoḻ si mipanggob ḵan saḵon. Taḵon ay nu gingngatda sinat atte ili ye ampangatan Satan, sissiyae pinagapagatupanyu we amati ḵan saḵon.

John 17:6

“Impaigammuḵ siḵa'tta tagu si annae lubunge innatodnu ḵan saḵon. Ḵuwam dida ya innatodnu dida ḵan saḵon woḵ tinuttuwada ugudnu.

Revelation 3:15

Igammuḵ da ḵooḵoonyu, mipani ḵayu si andoḻnate danume adipun an-atung baḵon nu antungnin. Pioḵ nu an-atung ḵayu baḵon nu antungnin ḵayu!

Revelation 22:7

Pune sadi ḵanan Jesus, “Dongngonyu anna. Madam-an angulinaḵ. Pian tagu we tuttuwaona da ngaimane nipadtu si annae iblu.”

Revelation 3:10

Te tinuttuwayu da bilinḵu we anusanyu iyattom ampaḵaḻamanyu, saḻaḵnibaḵ diḵayu'tte ampaḵimute ampaḵaḻamane madam-an dumatong si intero we lubung ta mapadas da losane tagu'd luta.

1 Timothy 5:8

Te nu awad namati'ḵ adinapun paat pione angayyuwan atta susunudna, amod ay da ḵabaḻyanna, isun di nan-awidana pammatina ya amo sillumaweng nu sa daampun aḵ namati.

2 Timothy 4:7

Nu ipaniḵ nanserbiyaḵ ḵan Apudyus atte todtoday, inniggaḵ ḵabooḻaḵ woḵ ḵintadḵu ḵigad ni totoddaḵan. Ummaḵ pinopotpotan ḵatuttuwaan.

Revelation 3:1

Ḵanana bos, “Annaya isuḻatnu'tte anghel we angayyuwan atta namati ye magimugimung ad Sardis, ‘Saḵon aangdon atta pitu we Ispiritu Santu ya da pitu we bituwon. Annaya ibagaḵ ḵan diḵayu. Igammuḵ da ḵooḵoonyu, igammuḵe sa antotollong da tagu, ampigsa da pammatiyu yaḵon sa ḵatuttuwaan, natoy da pammatiyu.

Revelation 2:2

Igammuḵ da losane ḵooḵoonyu, sa ansigabe ḵewaaḻyu ya ḵinaanusyu we angiyattom atta ampaḵaḻaman. Igammuḵe adiyupun maanusan da lawwenge tagu. Ḵad pinadasyu da ngannonda da long-agda apostol taḵon ay nu daḵandapun woḵ inigammuyu we tuliyanda.

Jude 1:4

Te annat da tagu we illimoddae nidoga ḵan diḵayu we adiḵayupun naḵaimatun ḵan dida. Dida da nipadtu si awe si Ugud Apudyus we asi maḵuwis. Sana da tagu we daḵampun aḵ naapudyusane baliwanda ḵatuttuwaan mipanggob si ḵinabaḻun Apudyus te usaronda Ugud Apudyus aḵ analingodda'tta lawwenge ḵoḵoḵḵonda. Adidapun os bigbigon ḵatuttuwaan mipanggob ḵan Jesu Kristu we abus aḵ Apu we anserbiyan taḵu.

John 15:20

Sosomḵonyu da imbagaḵ ḵan diḵayu, naippun sammilu'ḵ nangatngatu nu sa apuna. Nu nampaḵaḻamonaḵ, ampaḵaḻamonda bos diḵayu. Ḵad nu tuttuwaonda da ugudḵu, tuttuwaonda bos da ugudonyu.