Revelation 3:17 - Sa Ugud Apudyus

¹⁷ Te ḵananyu we baḵnang ḵayu ya awad ḵan diḵayu da losane ḵasapuḻanyu. Yaḵon adiyupun igammu we sa ḵatuttuwaan, ḵaddagu ḵayu, ḵapus ḵayu, amboboddang ḵayu ya naḵuḻap ḵayu.

Revelation 3:17 Referans Kwoze

Revelation 2:9

Igammuḵe nampaḵaḻam ḵayu ya ḵapus ḵayu yaḵon sa ḵatuttuwaan, baḵnang ḵayu! Igammuḵ ose awad da Judyu we anginsultu ḵan diḵayu yaḵon daḵandapun aḵ tagun Apudyus nu adi dida da tagun Satan.

Romans 7:24

Ḵaddaguwaḵ! Ngai nin anaḻaḵnib ḵan saḵon atte annae long-age siya gapun ni matoyaḵ?

Luke 1:53

Da ampaḵaḻame tagu, innatodna ambaḻu. Ta awad mapnoḵanda atte mataguwanda. Da tagu ḵade baḵnang, naippun ḵatḵat-opanda. Pinaoyonna dida, nawwakwakkayda lawa.

Matthew 9:12

Yaḵon dingngoḻ ḵad ay Jesus da inimusda, ḵananae nangipani, “Da anḵosdoḻ, adidapun ḵasapuḻan an-aagas. Yaḵon da masaḵit, ḵasapuḻanda.

Revelation 16:15

Ḵade sadi, nandaḵdaḵngonda da ari ya da suḻdaduda'tte igawe nangadanan aḵ Armageddon atte Hinebrew. Ḵanan Apu Jesus, “Dongngonyu annae ibagaḵ. Sa umaliyaḵ mapoḵḵatane isun ni umaliyan ni aḵḵawan. Pian tagu we adi masuyop ya masisillupan ta adi maodasane amboboddang ya mabain atte sinagung da adu we tagu nu dumatongaḵ.”

Romans 12:3

Sinsadi, gapu ta innatod Apudyus ḵaḻabbongaḵe an-apostol gapu'tte ḵinabaḻuna, bagbagaaḵ sin-ossaossa ḵan diḵayu ta adiyu somsomḵone nangatu long-agyu yaḵon ḵasapuḻane usigon ni sin-ossaossa long-agna mibatay si pammatinae innatod Apudyus.

2 Peter 1:9

Yaḵon ngaimane adi angunud atta sanae ambaḻu we ugali, isun di naḵuḻap ḵan ampodad ilana ya naliwatanae pummoḻḵas atta gagangaye basuḻna.

Matthew 5:3

“Pian da tagu we antaḻgod ḵan Apudyus atta ngaiman te midogada si ampangatan Apudyus.

Luke 6:24

Yaḵon ḵaddagu ḵayu we baḵnang, te abus sinsadi'ḵ allaylaydanyu.

Romans 11:25

Susunudḵu ḵan Kristu, awad de ḵaḵ-ipaigammun Apudyus we pioḵe maawatanyu ta adi ḵayu ampasindayawe ansomsomoḵe nalaing ḵayu. Tummungitong da somsomoḵ da udume ganaḵ Israel gapu si adidapun amatiyan inggana'ḵ wadawad belang da Gentil we amati.

Romans 11:20

Tuttuwa sanat. Naspaḵda te adidapun namati yaḵon nipasani ḵayu gapu'tte namatiyanyu. Pun adiyu ipasindayaw yaḵon ummaummanyu.

Revelation 3:16

Pun gapu ta abuse andoḻnat ḵayu, ituppaḵ diḵayu.