Revelation 21:14 - Sa Ugud Apudyus

¹⁴ Sa pon-ad ḵad ni ḵabitin ni sadi ye siyudad, inggaw da nasawaḻan aḵ duwae danadanaḵḵoḻe batu ḵad sa sin-ossae batu nasin-ossa nigili ngadan da nasawaḻan aḵ duwae apostol ni Ubbu we Karnero.

Revelation 21:14 Referans Kwoze

Hebrews 11:10

Te ninamnamana siyudade annanayun nisaadanae implanun Apudyus ya tinaḵadna.

Ephesians 2:20

Pun maḵwae mipani ḵayu'tte partin ni templo we boḻoy Apudyus we taḵadona. Da apostol ya da profeta we an-uuggudon Apudyus mipanidae nisaadan ni sanae templo ya aḵ Apu Jesu Kristu ḵapatogane batu'tte sanae nisaadana.

Revelation 18:20

“Diḵayu we awad ad langit, anggangganas ḵayu'tte nadadailana. Diḵayu we tagun Apudyus, da apostol ya da profetana, maganasan ḵayu bos te dinusan Apudyus sanae siyudad gapu'tta losane ḵingwana ḵan diḵayu.”

Jude 1:17

Yaḵon ḵan diḵayu we ay-ayatoḵe buḻbuḻun, ḵasapuḻane adiyu maliwatan da imbagan da apostol Jesu Kristu we Apu taḵu.

Ephesians 3:5

Naippun nangigammu si anna'tte awe yaḵon sinsana, impaigammun ni Ispiritu Santu ḵan diḵani ye apostol ya da profetanae pinilina'ḵ anserbi ḵan siya.

Matthew 16:18

Pun ibagaḵ ḵan siḵa, siḵa'ḵ Peter, batu piona ḵanan. Ḵad sa annae labaw ni batu antaḵadaḵ si simbaanḵu we da losane amati ḵan saḵon. Ḵad naippun angngog ḵan dida taḵon ay ḵabooḻan ni ḵatoy, adinapun lamog oḻgon dida.

Ephesians 4:11

Ḵad siya bos nangitod atta nankalakalasi ye ḵabooḻan atte gimung da namati. Dinutuḵana da udum aḵ apostol ya da udum aḵ profetana. Da udum dinutuḵana'ḵ angiwaḻagawag si Ambaḻu we Damag atta ḵinailin di ili ya da udum aḵ pastor ya da udum aḵ mimistulu.

Galatians 2:9

Binigbig da James ḵan Peter ya aḵ John we mibelange angipangpangu we intaḻgod Apudyus ḵan saḵon annae ḵewaaḻ gapu'tte ḵinabaḻuna. Sana gapunae nilamanuwanda'ḵ Barnabas ya saḵon ta angipaila si ambuḻbuḻunanni. Nan-uunudanni ye iwaḻagawagni Ambaḻu we Damag atta Gentil ya dida angiwaḻagawag atta Judyu.

Acts 1:26

Pun nambubbunutda ḵad nabunut aḵ Matthias woḵ midoga'tta nasawaḻan aḵ ossaane apostol.

Revelation 21:13

Awad da tuḻu we lewangan atte ḵapon si dumingitan init, tuḻu bos atte ḵapon si mipisongan init, tuḻu si ḵapon ad lagud ya tuḻu bos atte ḵapon ad daya.