Revelation 20:9 - Sa Ugud Apudyus

⁹ Ḵad tadtaddaḻanonda aḻwae lutae umoy atte nampaliḵwos atte siyudade pipion Apudyus we sa inggawan da taguna. Yaḵon inggaw apuye naḻpu'd langite nanogob ḵan dida.

Revelation 20:9 Referans Kwoze

2 Thessalonians 1:8

Ḵad dusaona'tte apuy ta bumaḻos atta adipun angigammu ḵan Apudyus ya da adipun tumuttuwa gapu si adidapun amatiyan atte Ambaḻu we Damag mipanggob ḵan Jesus we Apu taḵu.

Revelation 13:13

Ḵingwan ni sanae ḵumagwae ayam da nakaskasdaawe sinyal te impatoḵdagna apuy ad lutae naḻpu'd langit atte sinagung da tagu.

Revelation 11:5

Ḵad ngaimane amadas amaḵaḻam ḵan dida, tumoḵwaḻ apuye maḻpu si sungaddae anogob atta ḵabusuḻda. Da amadas amaḵaḻam ḵan dida, ḵatti inondae matoy.

Luke 17:29

inggana si aḻgawe tinenan da Lot sadi ye ili. Nagangput ḵad, naottag apuy ya da bumaḻabaḻae batu we ngannonda sulfur we naḻpu'd langit woḵ naamin nadadail.

Luke 9:54

Innilan ḵad da disipulanae da James ḵan John da ḵingwan da iSamaria, ḵananda ḵan Jesus, “Apu, piome bilinonni apuye maḻpu'd langit ta soggona dida?”

Hebrews 13:13

Intaḵu ḵan Jesus atte lasin ni ḵampu, ta ampaḵaḻam taḵu'tta nibabbainana.

Luke 21:20

Ḵanan os Jesus, “Nu ilanyu'd Jerusalem we naliḵwos atta amoamode suḻdadu, sadi angigammuwanyu we madam-an madadailana.

Luke 19:43

Sa umali ye aḻgaw, liḵubon diḵayu'tta ḵabusuḻyu ya sondonda da losane maoy ta naippun inonyu we umawid. Ḵad umadanida ḵan diḵayu si losane suli.