Revelation 20:11 - Sa Ugud Apudyus

¹¹ Naabus ḵad, innilaḵ daḵodaḵoḻe itaḵe trono ya innilaḵ os tummutuḵdu sidi. Ḵad sa luta ya sa langit, mawawandae isun di umawidda umadayu ḵan siya. Ḵad adidapun ogon maila.

Revelation 20:11 Referans Kwoze

Revelation 21:1

Pun innilaḵ baru we langit ya sa baru we luta te sa ummunae langit ya sa ummunae luta, nawawanda ya sa baybay naippun os ogon.

2 Peter 3:7

Sinsadi, mipagapu bos atte Ugud Apudyus, nisasaggana annae langit ḵan lutae dadailon ni apuy nu dumatong aḻgawe anguwisan Apudyus atta tagu we ḵabasbassuḻan ta madusada'ḵ inggana.

Matthew 25:31

Pun pinagatupan Jesus woḵ ḵanana, “Nu umaliyaḵe Abeng Di Tagu, maila nakaskasdaawe ḵinaapudyusḵu ya buḻunḵu da adu we anghel ḵad tumuḵduwaḵ atte tronoḵe an-ari.

Romans 2:5

Yaḵon gapu ta tummungitong da somsomoḵyu ya adiḵayupun ambabawi, amo dog-adog-anyu ḵadusaanyu'tte aḻgawe angipail-an Apudyus atte sangana ya mipaila naun-unane anḵuḵuwisna'tta tagu.

Matthew 24:35

Amungtu losan da awad ad langit ya sina'd luta yaḵon adipun amungtu ugudḵu.”

Revelation 16:20

Losan atta baḻan-oge ili ye niliḵwos ni baybay naaminda nilisob woḵ nawawan da losane beleg.

Revelation 6:14

Sa sadi ye timpu nawawan langite isunan naḻuḵube ḵopel. Ḵad losan ose beleg ya da ili ye niliḵwos ni baybay, naḵaanda'tta igawda.

Revelation 20:2

Pun dinoḵmaana dragone sa nampailae isun di uḻog atte awe ya sa nangngadan os aḵ Satan. Ḵinawadana woḵ imballuna'tte abute ippun patinggan ni ḵaadaḻomna. Naabus ḵad, intuḻbiḵna sawangna ya pinaḵotana'tte maḻḵa ta sinyale adipun maḵwae mabuḵtan ta ippun ogon inonae angallelaw atta tagu'tta ḵinailin di ili inggana'ḵ magangput sillibu we tawon. Maabus ḵad, ḵasapuḻane mapuḵayan ḵasin yaḵon abuse sin-aḵitan.

Revelation 12:8

Pun naabaḵ dragon ya da buḻunna woḵ ippun ogon igawda'd langit.

Revelation 4:2

Pun daguse isunan impain-inop ni Ispiritu Santu ḵan saḵon woḵ innilaḵ tronon ni ari'd langite inggawe tutuḵdu.

Revelation 19:11

Pun innilaḵ ad langite nabuḵatan woḵ inninggaw itaḵe ḵabayu. Sa nangabayu ḵad, nangadanan aḵ Mataḻgodan ya Tuttuwa. Ḵad naun-unan anḵuḵuwisna ya naun-unan os inonae maḵagubat atta ḵabusuḻna.

Matthew 11:22

Yaḵon ibagaḵ ḵan diḵayu, nu dumatong anguwisan Apudyus atta losane tagu, nadagdagson dusayu nu sa dusan da iTyre ya iSidon.

Revelation 21:5

Pun ḵanan ni tummuḵdu'tte trono, “Ilam, pabaruwoḵ da losane awad.” Ḵanana bos ḵan saḵon, “Igilim da annae imbagaḵ te mataḻgodanda ya tuttuwada.”