Revelation 2:7 - Sa Ugud Apudyus

⁷ “ ‘Diḵayu we naingaan, andongoḻ ḵayu si ibagan ni Ispiritu Santu atta gimung da namati. Da tagu we angngog atta losane kalasin di lawweng, ittoḵ ḵan dida ḵaḻabbongane angan atte bungan ni ḵayu we angitod si biyage awad si igaw Apudyus ad langit.’ ”

Revelation 2:7 Referans Kwoze

Revelation 2:17

“ ‘Diḵayu we naingaan, andongoḻ ḵayu si ibagan ni Ispiritu Santu atta gimung da namati. Da tagu we angngog si lawweng, ittaḵ dida si nitataḻu we maḵane ngannonda manna. Ittaḵ os sin-ossa ḵan dida'tte itaḵe batu we sa nigiliyan ni baru we ngadane naippun osa'ḵ angigammu si sadi ye ngadan nu adi sa tagu we maittana.’ ”

Revelation 2:11

“ ‘Diḵayu we naingaan, andongoḻ ḵayu si ibagan ni Ispiritu Santu atta gimung da namati. Da tagu we angngog si lawweng, adidapun midoga'tte dusa'ḵ inggana'tte ḵumagwae matoyan da tagu.’ ”

Matthew 11:15

Diḵayu we andodongngoḻ, sosomḵonyu da dingngoḻyu.”

Revelation 13:9

Diḵayu we naingaan, andongoḻ ḵayu si ibagan ni Ispiritu Santu.

Matthew 13:43

Yaḵon da naun-unane tagun Apudyus, allangḻangdae isun di init si ampangatan Amada. Diḵayu we andodongngoḻ, sosomḵonyu da dingngoḻyu.”

Matthew 13:9

Ginangput ḵad Jesus inug-uggud annae pani, ḵanana, “Diḵayu we andodongngoḻ, sosomḵonyu da dingngoḻyu.”

Revelation 22:14

“Pian da tagu we anaḵsaḵ atta langgoyode silupda te awad de ḵaḻabbongandae lumnoḵ atte lewangan ni sadi ye siyudad ḵan angan atte bungan ni ḵayu we angitod si biyag.

Revelation 21:7

Sa tagu ḵade oḻgona lawweng, allaḵsunna da anna losan. Bigbigona saḵon aḵ Apudyusna ya bigbigoḵ ose abengḵu.

Luke 23:43

Ḵanan Jesus ḵan siya, “Ibagaḵ ḵan siḵa ḵatuttuwaan, sinsadi ye aḻgaw midogaḵa ḵan saḵon ad langit.”

Revelation 22:17

Ḵanan ni Ispiritu ya da tagunae mipani si asaw-on ni Ubbu we Karnero, “Awwaynu.” Ḵad ḵanan oḵyan os ni andodongngoḻ, “On, awwaynu.” Ngaimane mauwaw, umali oḵyan ta uminum atte libli ye danume angitod si biyag.

Mark 7:15

Sa mibelang aḵ angaissaw atte tagu si antotollong Apudyus, daḵampun atte ngaimane lumnoḵ si sungadna yaḵon sa tumoḵwaḻ atte sungadna.

Revelation 22:2

Ḵad an-ayus atte gaggawan ni ḵaḻsa'tte sadi ye siyudad. Sa nandomang atte sanae tawwang, inggaw da ḵayu we angitod atte biyag. Binuḻane amungada. Ḵad sa tubun da sanae ḵayu, usaronda iyagas atta tagu'tta ḵinailin di ili ta adida masaḵit.

1 Corinthians 2:10

Sana impaigammun Apudyus ḵan ditaḵu mipagapu'tte Ispirituna. Te sa Ispiritu Santu igammuna da losane banag taḵon ay da naadaḻome somsomoḵ Apudyus.

John 16:33

Imbagaḵ sana ḵan diḵayu ta mipagapu ḵan saḵon lumin-awa ḵayu oḵyan. Ampaḵaḻamon diḵayu'tta adipun amati. Yaḵon tumuḻod ḵayu te illogyu da losane lawweng si annae lubung.”

2 Corinthians 12:4

Ḵad ad langit, dingngoḻna banage adipun maḵwae maugud ya adipun os maḵwae mibaga.

Revelation 15:2

Innilaḵ os isunan baybaye samling ḵopyanae naḵamsan atte apuy. Inggaw da summisiḵad sidi ye illogda ḵaog-ogyate ayam te adidapun nandaydayaw si sinan-ayame ḵais-isuna ya adidapun os iyyunude namaḻḵaanda si belange sinyal ni ngadanna. Nampaḵ-odonda'ḵ arpae innatod Apudyus,

Revelation 14:13

Dingngoḻḵu bos gingae naḻpu'd langite ḵanana, “Igilim anna: Inggana sinsadi, pian da tagu we matoye niyossaan ḵan Apu Jesus.” Ḵanan ni Ispiritun Apudyus, “Tuttuwae pianda te maillonganda'tte ansigabe ḵewaaḻda ya magungunaanda gapu'tte ambaḻu we ḵingwada.”

Mark 4:9

Pun ḵanan Jesus we nangiyanungus, “Diḵayu we andodongngoḻ, sosomḵonyu da dingngoḻyu.”

Luke 8:8

Da udum ḵade buḵoḻ naottagda'tte alluta. Tummubuda woḵ namungada, da udum namungada'ḵ singgagasut.” Ginangput ḵad Jesus inug-uggud annae pani, ḵanana'tta tagu, “Diḵayu we andodongngoḻ, sosomḵonyu da dingngoḻyu.”

1 John 2:13

Aamma, annaya bos inggiliḵ para ḵan diḵayu te igammuyu'ḵ Apudyus we inninggaw inggan ni laplapu. Ḵad diḵayu bose babaḻu, annaya inggiliḵ para ḵan diḵayu te illogyu'ḵ Satan.

Mark 7:16

Diḵayu ḵad, gogomgomanyu da dingngoḻyu.”