Revelation 2:14 - Sa Ugud Apudyus

¹⁴ “ ‘Yaḵon awad de adiḵpun pion ḵan diḵayu, awad da udum ḵan diḵayu we angunud si intuttudun Balaam atte awe. Aḵ Balaam ḵad intuttuduna ḵan Balak inonae anulisug atta ganaḵ Israel aḵ bumasuḻ ta awisonda dida'ḵ maḵaḵan atta nidatun atta sinan-apudyus ya angadaḻug atta daḵampun aḵ asawada.

Revelation 2:14 Referans Kwoze

2 Peter 2:15

Nan-awidandae angwa'tta ambaḻu ya nalimuda. Inunudda ugalin Balaam we abeng Beor we naḵabasuḻ gapu'tte pipionae pabayad si ḵoonae lawweng.

Revelation 2:20

“ ‘Yaḵon awad de adiḵpun pion ḵan diḵayu, iyyunudyu we midoga sanae bubai ye aḵ Jezebel ḵan diḵayu. Ḵananae siya profeta we angituttudu'tta imbagan Apudyus yaḵon gapu si tuttuduna, awisona da anserbi ḵan saḵon ta adaḻugonda da daḵampun aḵ asawada ḵan anganda'tta maḵane nidatun atta sinan-apudyus.

Jude 1:11

Ḵaddaguda te gattoḵe ampaḵimut dusada! Te unudonda lawwenge ugalin Cain, ḵad sa basuḻda isuna basuḻ Balaam we ḵamommod si pilaḵ ya sullagiyonda bos da angipangpangu ḵan didae isun ni ḵingwan Korah ḵan Moses atte awe. Gapu'tta ḵoḵoḵḵonda, madusada'ḵ ingganae isun ni dusan Korah.

Acts 15:29

Adiyu ḵanon midatun atta sinan-apudyus, ḵasapuḻane adiyu ḵanon daḻa ya da ayame adipun nidaḻaan ḵan adi ḵayu maḵadagdagas. Ḵad nu tuttuwaonyu da sana, ambaḻu ambanaganyu. Sana da abuse ibagani ḵan diḵayu.”

Hebrews 13:4

Ḵasapuḻane patgan taḵu nan-as-asaw-an taḵu ya ippun oḵyan ḵadellawan taḵu ya pagatupan taḵu we antaḻgod atta asawa taḵu we naippun maḵadagdagas. Te dusaon Apudyus da maḵadagdagas ya da adaḻugonda da daḵampun aḵ asawada.

1 Peter 2:8

Iḵagasmoḵda oḵyan os awad si Ugud Apudyus we ḵanana, “Sana batu we ampasanga ya misubuḵan ḵan maottagan da tagu.” Misubuḵda te adidapun tuttuwaon gapu si adidapun amatiyan atte Ugud Apudyus ya sana bos planun Apudyus para ḵan dida.

Acts 21:25

Yaḵon da Gentil we namati ḵan dida ginangputni indagas suḻate simsimmoḵni ye nan-uunudanni ye apostol. Adida oḵyan ḵanon da midatun atta sinan-apudyus, ḵasapuḻane adida ḵanon daḻa ya da ayame adipun nidaḻaan ya adida maḵadagdagas.”

Revelation 22:15

Yaḵon adipun maḵaḻnoḵ sidi da ngaimane angwa'tta lawweng, da andadawaḵ, da angadaḻug atta daḵampun aḵ asawada, da pumappatoy, da andaydayaw atta sinan-apudyus ya da losane tuliyan ya da ḵapappaila.”

Revelation 21:8

Yaḵon ampaḵimut maḵwa'tta tagu we adidapun ipapuut pammatida gapu si ogyatda, da naippun pammatida, da lawweng ugalida, da pumappatoy, da angadaḻug atta daḵampun aḵ asawada, da andadawaḵ, da ambubuyun, da anaydayaw atta sinan-apudyus ya da losane tuliyan. Asida umoy inggaw atte igaw ni gumilgillayabe apuy ḵan sulfur. Sana ḵumagwae ḵatoy.”

1 Corinthians 7:2

Yaḵon gapu ta adu da nasulisuge nangadaḻug atta daḵampun aḵ asawada, un-unnoyna nu sa laḻaḵi ḵan bubai awad oḵyan asawada.

Matthew 18:7

Ḵaddagu da tagu si annae lubunge ippun adi nansabasabali ye sulisuge maḵabasuḻanda. Gagangaye dumatong sulisug atta namati yaḵon ḵaddagu tagu we gapun da sanae maḵabasuḻan.

Romans 14:21

Nabaḻbaḻu nu adi taḵu ḵanon sida baḵon nu uminum si bayas baḵon nu ḵoon da ngaimane siya maḵabasuḻan ni sunud taḵu ḵan Kristu.

Romans 14:13

Ḵad siya gapunae adi taḵu ogon ḵuwison da udume namati yaḵon ḵasapuḻane pasig taḵu sosomḵone adi taḵu angwa'ḵ ngaimane gapun ni maḵabasuḻan da susunud taḵu ḵan Kristu.

Revelation 2:4

“ ‘Yaḵon awad de adiḵpun pion ḵan diḵayu, adiyupun ogon saḵon ay-ayaton ya da buḻunyu we isun ni damu.

1 Corinthians 1:23

Yaḵon siya iwwaḻagawagni mipanggob atte natoyan Kristu atte kros ḵad siya nisubuḵan da Judyu ya dinodong-og atta Gentil.

Romans 11:9

Ḵad awad os inggilin Ari David si mipanggob ḵan didae ḵanana, “Maaddaganda oḵyan madusae isun di ayame masiluwan baḵon nu mabituwanda si timpu we anggangganasanda.

Romans 9:32

Ngaipa? Te sa angngitanda si inondae maun-unan, daḵampun aḵ mibatay atte pammati yaḵon sa angwaanda'tta ambaḻu. Nasaktanda ḵan Kristu we mipani'tte batu we misubuḵan da tagu.