Revelation 19:18 - Sa Ugud Apudyus

¹⁸ Umali ḵayu ta inḵayu ḵanon da long-ag da ari, da suḻdadu ya da pangatda, da ḵabayu ya da nangabayu ya da losane tagu we nangidiyan ḵan Apudyus, musassu baḵon nu daḵampun, nangatu baḵon nu nababa.”

Revelation 19:18 Referans Kwoze

Revelation 6:15

Ummogyat losan da tagu'd luta. Da ari ya da udume papangat, da pangat da suḻdadu, da babaḵnang ya da udume anna ḵabooḻanda ya da udume musassu baḵon nu daḵampun, losanda nantaḻu'tta liyang ya sa igaw da batbatu si bebbeleg.

Revelation 13:16

Impatut os ni sanae ḵumagwae ayame nammaḻḵa'tta losane tagu'tta madawinane imada baḵon nu da ḵidayda. Taḵon ay da nangatu we tagu ya da ḵamḵama, da babaḵnang ya da ḵaḵapus, da musassu ya da daḵampun aḵ musassu, impatutnae mamaḻḵaanda.

Luke 17:37

Pun ḵanan da disipulunae nangimus ḵan siya, “Apu, dinu maḵwaan da sana?” Summongbat aḵ Jesus we nangipani woḵ ḵanana, “Dinumane igaw da ladag, sadi bos andaḵdaḵngan da gayang.”

Matthew 24:28

Sa mipauliyan ni Abeng Di Tagu mipaigammu'tta losane isun ni annae uuggudone ḵanana, ‘Dinumane igaw da natoy, siya bos andaḵdaḵngan da gayange angan atta ladag.’ ”

Revelation 11:18

Da sumusullagi ḵan siḵa, amod de ansasangada yaḵon sinsadi dummatong timpu we sumang-am ya dusaom dida, te sana timpu we anguwisam atta losane nanḵaḵatoy. Ḵad sinsadi bos timpu we gungunaam da sammilume da profetam ya da losane tagume angisipog ḵan siḵa, da nababa ya da nangangatu. Ḵad dadailom os da nanadail atta tagu'd luta.”

Revelation 17:16

Sa sanae ḵaog-ogyate ayam ya da simpuḻu we sakkudna, amod de sangada si puta. Aḻanda losan da ḵuḵuwana ḵad bodanganda bos. Ḵad ḵanonda bos bogas ni long-agna ya soggonda mabun-an.

Revelation 19:5

Pune sadi dingngoḻḵu gingae naḻpu si trono we ḵanana, “Idayawyu Apudyus taḵu, losan ḵayu we anserbi ya angisipog ḵan siya, nangatu man baḵon nu nababa.”